“Azərbaycan İpoteka Fondu” (AİF) ASC-nin agent bankları tərəfindən 2006-2017-ci illərdə 19,528 min ipoteka krediti verilib.
FED.az İnterfax-a istinadən xəbər verir ki, fondun məlumatına əsasən, bu günədək AİF-in xətti ilə 826 mln. 240,028 min manat məbləğində ipoteka krediti verilib.
Son 2 həftə ərzində agent banklar ümumilikdə 6 mln. 776,24 min manat məbləğində ipoteka krediti verib.
AİF 2005-ci ilin dekabr ayında yaradılıb və 2006-cı ilin martında ipoteka kreditlərinin verilməsinə başlayıb. Azərbaycanda sosial ipotekanın verilməsinə 2007-ci ildən başlanılıb və 6 ay davam edib. AİF 2009-cu il iyunun 1-dən kommersiya şərtləri ilə ipoteka kreditlərinin verilməsi prosesini bərpa edib. Kommersiya şərtləri ilə ipoteka kreditləri dövlət büdcəsi vəsaitlərinin hesabına deyil, fondun öz istiqrazlarını buraxmasından cəlb etdiyi vəsaitlər hesabına verilir.
Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 100 min manatı keçməməlidir. Kredit illik 8%-dən çox olmayan dərəcə ilə verilir. İlkin ödəniş 15-25% təşkil edir.
Dövlət büdcəsindən yalnız sosial ipoteka maliyyələşdirilir. Onun maksimal məbləği 100 min manat təşkil edir, illik faiz dərəcəsi 4%-dən çox deyil. Müddəti 30 ilə qədərdir. İlkin ödəniş 15% təşkil edir.
AİF-in agent bankları 826 mln. manat məbləğində ipoteka krediti verib
11:05
18 İyul 2017
