Ötən il banklar arasında gəlirləri artan banklardan biri də «AccessBank»dır. Bank 2025-ci ildə təqribən 275 milyon manat qazanıb.

Azərbaycanda banklar pulu nədən qazanırlar? – GƏLİR MƏNBƏLƏRİ, MƏBLƏĞLƏR – BANKLAR (31.12.2025)

FED.az biznes və maliyyə xəbərləri portal bu dəfə «AccessBank»ın gəlir mənbələrini araşdırıb. 

2025-ci ilə «AccessBank»ın gəlirlərində əsas yeri kredit portfeli üzrə faiz gəlirləri tutub, bu istiqamətdən 245 milyon 159 min manat qazanılıb və gəlirlərin 89%-i məhz bu mənbədən formalaşıb. Kredit portfeli üzrə gəlilər 2024-cü illə müqayisədə 14% artıb.

Komissiya haqları bankın ikinci ən böyük gəlir istiqaməti olub, bu sahədən 18 milyon 435 min manat əldə edilib və bu, ümumi gəlirin 7%-ni təşkil edib. Bu sahədən gəlirlər illik müqayisədə 7% çoxalıb.

Bununla yanaşı, digər banklara verilən kreditlərdən gəlirlər 4 milyon 114 min manat, qiymətli kağızlara investisiyalardan gəlirlər isə 3 milyon 848 min manat səviyyəsində olub. İki istiqamət gəlirlərin 3%-lik payına sahib olub. Qiymətli kağızlara investisiyalardan gəlirlər 22,4% azalsa da, digər banklara verilən kreditlərdən gəlirlər 7,6% artıb.

Digər banklarda yerləşdirilmiş depozitlərdən gəlirlər 3 milyon 55 min manat təşkil edib başqa sözlə, ümumi gəlirlərin 1%-i qədər olub. Yeri gəlmişkən bu gəlirlər sürətlə artıb - təqribən 82%.

Daha 1 milyon 143 min manat bankın digər qeyri-faiz gəlirlərindən əldə edilib, bu mənbədən əldə olunmuş gəlir də ümumi gəlirlərin 1%-i həcmindədir. Qeyri-faiz gəlirlərdə 2 dəfə artım müşahidə olunub.

Valyuta əməliyyatları üzrə 1 milyon 32 min manat həcmində zərər qeydə alınıb.

2024-2025-ci illər ərzindıə «AccesBankıin gəlirlərinin məbləği, onun ümumi gəlirlərdəki payı və gəlirlərin məbləğinin illik dinamikası aşağıdakı kimi olub: