“Bank Avrasiya” ASC 2017-ci ilin 9 ayını 10 milyon 990 min manat xalis mənfəət ilə başa vurub.
Bankın maliyyə göstəricilərinə əsasən, cari ilin yanvar-sentyabr aylrında bankın cəmi gəlirləri 11 milyon 515 min manat, o cümlədən faiz gəlirləri 9 milyon 515 min manat, qeyr-faiz gəlirləri isə 2 milyon manat təşkil edib. Müqayisə üçün qeyd edək ki, ötən ilin 9 ayında “Bank Avrasiya”nın cəmi gəlirəri 11 milyon 560 min manat, o cümlədən faiz gəlirləri 9 milyon 325 min manat, qeyri-faiz gəlirləri 2 milyon 236 min manat təşkil etmişdi.
“Bank Avrasiya” 11 milyon 515 min manat gəliri əldə etmək üçün 5 milyon 339 min manat xərc çəkib və nəticədə bankın 6 milyon 177 min manat xalis əməliyyat mənfəəti qalıb. Həmçinin Bank ehtiyatlardan 4 milyon 812 min manatı mənfəətə əlavə edib. Ehtiyatlar əsasən kredit və depozit itkiləri üçün yaradılır. Ehtiyatları azaldılması “Bank Avrasiya”da kredit və depozit risklərinin azaldığına işarədir.
"Bank Avrasiya" ASC-də ödəmə vaxtı keçmiş kreditlər 11 milyon 915.4 min manat təşkil edib ki, bu da cəmi kredit portfelinin 12,6%-nə bərabərdir.
Əməliyyat mənfəəti və ehtiyatlardan azad olan vəsait hesabına Bank 9 ayı 10 milyon 990 min manat xalis mənfəətlə bağlayıb. “Bank Avrasiya” 2016-cı ilin 9 ayını 6 milyon 696.5 min manat xalis mənfəətlə başa vurmuşdu.
30 Setyabr 2017-ci il tarixində "Bank Avrasiya" 153 milyon 355 min manat cəmi aktivlərə (o cümlədən 86 milyon 780 min manat müştərilərə verilən kreditlər və 24 milyon 380 min manat qiymətli kağızlara investisiya), 89 milyon 469.7 min manat cəmi öhdəliklərə və 63 milyon 886.1 min manat balans kapitalına malik olub.
"Bank Avrasiya" ASC 2007-ci ilin Noyabr ayında lisenziya almışdır. Bu ilin Noyabr ayında Bankın 10 yaşı tamam olur.
Marja©
