Nissan və Honda arasında birləşmə baş tutmayacaq.
“Honda” Çindəki iki zavodunu bağlayır
FED.az xəbər verir ki, "Nikkei" qəzetinin məlumatına görə, bu qərar dünyanın üçüncü ən böyük avtomobil istehsalçısını yaratmaq şansını aradan qaldırıb və Nissan-ın təkbaşına gələcəyi ilə bağlı suallar yaradıb.
Xəbər fonunda Nissan-ın səhmləri 4%-dən çox ucuzlaşdı, Tokio Birjası ticarəti dayandırdı, Honda-nın səhmləri isə 8%-dən çox bahalaşdı. Bu, investorların birləşmənin baş tutmamasına müsbət yanaşdığını göstərir. Honda Nissan-ı törəmə şirkətə çevirməyi təklif etsə də, bu, bərabər hüquqlu birləşmə prinsipinə zidd olub. Hər iki şirkət yekun qərarı fevralın sonunda açıqlayacaqlarını bildiriblər.
Nissan hazırda 9,000 işçini ixtisar etməyi və istehsal gücünü 20% azaltmağı planlaşdırır. Birləşmə danışıqları ABŞ-ın mümkün tarif qərarları fonunda aparılırdı. Renault prinsip etibarilə birləşməyə açıq olduğunu bildirsə də, Nissan-ın daha kiçik tərəfdaşı Mitsubishi-nin qoşulmaq ehtimalı azalmışdı.
