Banner

Avto

Xaricdən gətirilən maşınların sayı 2,6 dəfə artdı - STATİSTİKA

Xaricdən gətirilən maşınların sayı 2,6 dəfə artdı - STATİSTİKA | FED.az
21:22 12 Sen 2018

2018-ci ilin yanvar-avqust ayları ərzində  Azərbaycana  nəqliyyat vasitələrinin idxalı ötən ilin eyni dövrü ilə müqayisədə 2,5 dəfə artaraq 14 min 34 ədədə çatıb.  


FED.az Dövlət Gömrük Komitəsinin hesabatına istinadən xəbər verir ki, 2017-ci ilin 8 ayında Azərbaycanda 5 min 662 ədəd nəqliyyat vasitələri idxal edilib. 

Qeyd olunan dövrdə minik avtomobillərinin idxalı isə 2,6 dəfə artıb. Əgər ötən ilin yanvar-avqust aylarında  ölkəyə 4 min 874 ədəd minik avtomobili gətirilibsə,  bu ilin yanvar-avqust aylarında minik avtomobillərinin idxalı 12 min 525 ədədə çatıb. 


Onu da deyək ki, bu ilin avqust  ayında idxal edilən cəmi nəqliyyat vasitələrinin sayı 2 min 334 ədəd təşkil edib. İyulda isə bu rəqəm 2 min 112 ədəd olub.

2018-ci  ilin avqustunda idxal edilən minik avtomobillərinin sayı 2 min 123 ədəd təşkil edib. İyul ayında isə onların sayı 1 917 ədəd olub.

2018-ci ilin yanvar-avqust ayları ərzində ölkəyə gətirilmiş avtomobillərin 100 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 12 525 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1 332  ədədi yük daşımaq üçün motorlu nəqliyyat vasitələri, 77 ədədi isə xüsusi təyinatlı motorlu nəqliyyat vasitələridir.


 
Malın adı Miqdarı (ədəd)
2017-ci ilin 8 ayı ərzində
Miqdarı (ədəd)
2018-ci ilin 8 ayı ərzində
Cəmi idxal olunmuşdur o cümlədən: 5 662 14 034
Sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri 134 100
Əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri 4 874 12 525
Yük daşımaq üçün motorlu nəqliyyat vasitələri 603 1 332
Xüsusi təyinatlı motorlu nəqliyyat vasitələ 51 77

Digər xəbərlər

Banner