2021-ci maliyyə ilinin nəticələrinə görə (31 mart 2022-ci ildə başa çatıb) Yaponiyanın ən böyük avtomobil korporasiyası Toyota Motor-un prezidenti Akio Toyoda şirkətin tarixində rekord məbləğdə - 685 milyon yen (cari məzənnə ilə 5 milyon dollardan çox) mükafat alıb. Bu, ötən il ona ödənilən 240 milyon yen (təxminən 1,8 milyon dollar) mükafatdan çoxdur.
Eləcə də bax: Qiymət “ucuz”, tələbat çox – Azərbaycanlılar bu avtomobillərə - ÜSTÜNLÜK VERİR
FED.az xəbər verir ki, cümə günü Asahi qəzeti korporativ sənədlərə istinadən bu barədə məlumat yayıb.
Toyota Motor şirkətinin 2021-ci maliyyə ilində tarixində ən yüksək gəlir və mənfəət əldə etməsinə rəhbərlik etdiyinə görə Akio rekord qıran mükafata layiq görülüb. Korporasiyanın yuxarı rəhbərliyi əmək haqqı deyil, onların fəaliyyətinin nəticələrinə əsasən müəyyən edilən il üzrə birdəfəlik ödəniş alırlar.
Eyni zamanda, korporasiyanın direktorlarından biri, ABŞ vətəndaşı Ceyms Kuffner prezidentdən daha böyük - 960 milyon yen (7 milyon dollardan çox) mükafat alıb. Bu onunla bağlıdır ki, onun vətənində belə ödənişlərin müəyyən edilməsi üçün başqa, daha "səxavətli" prinsiplər qəbul edilib.
2021-ci maliyyə ilinin sonunda Toyota Motor-un xalis mənfəəti 26,9% artaraq 2,85 trilyon yen (21,2 milyard dollar) təşkil edib. Bu, pandemiya səbəbindən yarımkeçirici çatışmazlığı və tədarük zəncirinin pozulması nəticəsində yaranan istehsal fasilələrinin mənfi təsirini kompensasiya edən Yaponiya, Şimali Amerika və Çində korporasiyanın avtomobillərinə güclü tələbatla bağlı olub. (Marja)
