Tesla-nın Unplugged Performance və müdafiə şirkəti Archimedes Defence, hərbi, siyasi və mülki mühitə yönəlmiş bir sıra zirehli Cybertruck maşınlarını təqdim etdi.
Azərbaycanda Tesla markalı elektromobillərin sayı 2 dəfədən çox artıb
FED.az xəbər verir ki, tərtibatçılar, Sting adlandırdıqları bu seriyanın güc, qorunma və enerji müstəqilliyinə ən yüksək tələbləri olan istifadəçilər üçün nəzərdə tutulduğunu bildirdilər.
Modellər haqqında daha detallı :
Sting Baja: Bu model Unplugged Performance tərəfindən Cybertruck üçün xüsusi olaraq hazırlanmış UP Invincible ofroad paketi ilə təchiz edilmişdir. Paketə yük platformasına yerləşdirilə bilən və 125 kVt-a qədər doldurma gücünə malik generator bloku daxildir. Bu generator bloku Cybertruck-un diapazonunu artırmaq üçün istifadə edilə bilər. Yəni, avtomobilin elektrik diapazonunu genişləndirmək üçün əlavə enerji mənbəyi kimi xidmət edir.
Sting Protector: Bu model 7,62 mm çaplı güllələrə tab gətirə bilən xüsusi zirehlə təchiz olunub.
BTR Sting: 14,5 mm çaplı güllələrə davamlı olan bu model əldəqayırma partlayıcı qurğulardan və minalardan qoruyan polad lövhələrlə təchiz olunub.
Bu yeni seriya Teslanın Cybertruck modelini həm təhlükəsizlik, həm də davamlılıq baxımından ən yüksək səviyyəyə çatdırmağı hədəfləyir. Xüsusilə, zirehli maşınlara doğru atılan bu addım Teslanın müdafiə və təhlükəsizlik sektoruna daxil olması üçün mühüm addım sayıla bilər.
