Rusiya baş nazirinin müavini, sənaye naziri Denis Manturov 2024-cü ilin yayında Qorki Avtomobil Zavodu (QAZ) «Volqa» brendi altında avtomobillərin istehsalına başlaya bilər.
FED.az xəbər verir ki, «Volqa»ların buraxılması da «Moskvich» variantında ola bilər – Rusiya tərəfi bunu «texnoloji tərəfdaşın iştirakı ilə» adlandırır, reallıqda isə söhbət QAZ zavodunda Çinin hansısa şirkətinin «Volqa» adı ilə öz avtomobillərini buraxmasından gedir.
«Mütəxəssislər deyirlər ki, yeni modelin hazırlanması təxminən səkkiz-doqquz ay çəkir. Ancaq biz bir neçə əlavə ehtiyat müddəti götürürük - yaxın gələcəkdə tərəfdaş haqqında qərar qəbul etmək planlaşdırılır. Ola bilər 1 il çəksin. Düşünürəm ki, gələn yaya qədər olacaq» -deyə Manturov jurnalistlərə bildirib.
Xatırladaq ki, Nijni Novqorodda (1932-1990-cı illərdə Qorki) yerləşən GAZ zavodu 1946-1958-ci illərdə «GAZ-M-20 Pobeda», 1956-cı ildən «Volqa» istehsal edib. 2008-ci ildə zavodda "Volqa Siber"in istehsalına başlamağa cəhd edildi, amma avtomobil texnologiya cəhətdən o qədər geridə idi ki, ona ümumiyyətlə tələbat olmadı və istehsal dayandırıldı.
Almaniya mətbuatının yazdığına görə, 2023-cü ilin yanvarında avstriyalı iş adamı, "Porsche" Müşahidə Şurasının üzvü Ziqfrid Volf prezident Vladimir Putinə bu markalı avtomobillərin istehsalını canlandırmağı təklif edib. "Moskviç" istehsalı Moskvadakı keçmiş Renault zavodunda bərpa edildi, bu Çin JAC JS4-ün bir variantıdır.
