Honda 2025-ci ilin noyabrına qədər mühərrik həcmi 50 kub və daha kiçik olan mopedlərin və o cümlədən dünyanın ən çox satılan Super Cub seriyasının istehsalını dayandıracaq.
Azərbaycanda skuter və moped bazarı "partlayacaq" - 14 YAŞLILARA İCAZƏ VERİLDİ
FED.az xəbər verir ki, bu barədə Nikkei qəzeti məlumat yayıb.
Bu qərarın səbəbi daha sərt istismar standartları və işlənmiş qaz emissiyası tələblərinin tətbiqidir. Bundan əlavə, elektrik velosipedlərinin, skuterlərin və motosikletlərin geniş yayılması səbəbindən belə mopedlərin satışı indi minimum səviyyədədir.
Hazırda Honda 50 cc və daha az mühərrik həcmi olan 15 model moped istehsal edir.
Daha səmərəli katalizatorların tətbiqi bu kateqoriyalı mopedlərin qiymətlərini demək olar ki, iki dəfə bahalaşdıracaq və onları mühərrik həcmi 50-125 kub kubmetr olan modellərlə bərabər tutacaq. Honda mopedlərinin qiymətləri 156-300 min yen arasında dəyişir (indiki məzənnə ilə təxminən 1-2 min dollar).
Honda ilk Super Cub-u 1958-ci ildə buraxıb. O vaxtdan bəri, bu mopedlərdən təxminən 110 milyon ədəd istehsal edilmiş və satılmışdır ki, bu da onu dünyanın ən çox satılan mopedi edir. Bu model Yaponiyada sürətli iqtisadi artım dövründə ən vacib vasitələrdən birinə çevrilib. Bu gün də xüsusilə çatdırılma xidmətləri, qəzet çatdıran şəxslər və poçtalyonlar tərəfindən geniş istifadə olunur.
İllik Super Cub satışları 1982-ci ildə təxminən 2,7 milyona çatmış, lakin sonra tələb azalmağa başlamışdır. 2023-cü ildə Honda bu modeldən 93 min ədəd satıb. (Marja)
