Avto

Gürcüstana köhnə avtomobillə gedib, yenisi ilə qayıtdı - İFŞA EDİLDİ

Gürcüstana köhnə avtomobillə gedib, yenisi ilə qayıtdı - İFŞA EDİLDİ | FED.az
15:48 24 Yan 2019

1981-in avtobusu 2001-ci ilin avtobusu edilib.

Köhnə model avtobusla Gürcüstana gedərək bir gün sonra eyni dövlət qeydiyyat nömrə nişanı altında yeni model nəqliyyat vasitəsilə ölkəmizə geri qayıdan həmyerlimizin əməlinin üstü açılıb. 

FED.az xəbər verir ki, bu barədə Dövlət Gömrük Komitəsinin açıqlamasında bildirilir. 

Məlumatda deyilir ki, komitənin Aksizli Mallar üzrə Baş Gömrük İdarəsinin Əməliyyat və Təhqiqat şöbəsinə bir qrup şəxsin sənədlərdən və ya gömrük eyniləşdirilməsi vasitələrindən aldatma yolu ilə istifadə edərək Azərbaycana nəqliyyat vasitələri gətirilməsi barədə məlumat daxil olub. Azərbaycan vətəndaşı Qasımov Şəmsəddinə məxsus "SUMIT DAF EUROLİNES" markalı avtobus gömrükçülər tərəfindən saxlanaraq Aksizli Mallar üzrə Baş Gömrük İdarəsinin dayanacağına gətirilib və gömrük baxışı keçirilib. Baxış zamanı avtobusun üzərindəki metal lövhə və ban nömrəsinin kustar üsulla vurulması gömrükçülərdə şübhə yaradıb.

Eləcə də bax: Avtomobillərin texniki baxışı da “ASAN”laşdı  – YENİ QƏRAR, DETALLAR

İlkin araşdırma zamanı məlum olub ki, Ş. Qasımov idarə etdiyi 1981-ci il buraxılışlı, ağ "SUMIT DAF EUROLİNES" markalı 00200330 şassi nömrəli 90-ZD-837 dövlət nömrə nişanlı avtobusla Gürcüstana gedərək ona məxsus avtobusu yeni modeli ilə əvəz edib, gömrük-vergi rüsumlardan yayınaraq ağ, bənövşəyi, sarı rəngli 00200330 şassi nömrəli, üzərində 90-ZD-837 dövlət qeydiyyat nömrə nişanı olan avtobusla Azərbaycan ərazisinə sərnişinlərlə birgə qayıdıb.

 

Daha sonra Ədliyyə Nazirliyi Məhkəmə Ekspertizası Mərkəzinin ekspert arayışına əsasən müəyən edilib ki, "SUMIT DAF EUROLİNES" markalı avtobusun ön qapısında vintlə bərkidilmiş metal lövhəcik üzərində olan məlumatlara əsasən təqdim edilmiş nəqliyyat vasitəsi "DAF/VDL" markalı avtobusun 2001-ci il istehsalı olan "SB200" şassi tipidir.

 

Faktla bağlı araşdırma aparılır.

Digər xəbərlər