Əmlak Məsələləri Dövlət Xidmətinin aprelin 12-də keçirilən hərracın nəticələrini açıqlayıb.

Xidmətdən FED.az-a bildirilib ki, hərracda aktivlik müşadidə olunub və 12 avtomobil satılıb. Ümumilikdə hərrac üzrə 43 sifariş daxil olub.

Budəfəki hərraca çıxarılan nəqliyyat vasitələrinin əksəriyyəti Rusiya istehsalı avtomobillər olub. Özəlləşdirilən avtomobillərin istehsal tarixi 1986-2007-ci illəri əhatə edir.

Məlumat üçün bildiririk ki, aprel ayı üzrə daha 4 hərrac keçiriləcək. Hərraclara kiçik dövlət müəssisə və obyektləri, yarımçıq tikililər və nəqliyyat vasitələri çıxarılıb.

Hər kəs Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalından (e-emlak.gov.az) müvafiq hərrac xidmətini seçərək qeydiyyatdan keçib, dövlət əmlakının ilkin hərrac qiymətinin 10 faizi məbləğində behi ödəyib hərracda iştirakçı statusu almaq mümkündür.

Bakı şəhəri üzrə 12 aprel 2022-ci il tarixində keçirilmiş hərracda satılmış nəqliyyat vasitələrinin siyahısı