Banner

Avto

Dövlət qurumu bu şirkətlərdən 40 avtomobil alıb

Dövlət qurumu bu şirkətlərdən 40 avtomobil alıb | FED.az
11:18 9 Yan 2019

Dövlət Reklam Agentliyi (DRA) və onun regional idarələri 40 ədəd avtonəqliyyat vasitəsi alıb. Bu barədə DRA-dan məlumat verilib.

 

Həyata keçirilən tenderin nəticəLərinə əsasən, DRA “Toyota Absheron Center” MMC ilə 10 ədəd avtomobilin (1 ədəd pikap tipli və 9 sedan tipli minik avtomobili) satın alınmasına dair müqavilə imzalayıb.

 

Həmçinin, “Autouniversal” MMC (Fiat avtosalonu) ilə 10 ədəd miniven tipli avtomobilin satın alınmasına dair müqavilə imzalanıb.

 

DRA-nın Gəncə İdarəsi 7 ədəd avtomobilin satın alınmasına dair müqavilələr imzalayıb: “Toyota Absheron Center” MMC ilə (2 ədəd sedan tipli avtomobil) və “Autouniverssal” MMC ilə (5 ədəd miniven tipli avtomobil).

 

Bundan əlavə, DRA-nın Sumqayıt İdarəsi 13 ədəd avtomobilin satın alınmasına dair müqavilələr imzalayıb: "Toyota Absheron Center” MMC ilə (3 ədəd sedan tipli avtomobil) və “Autouniversal” MMC ilə (10 ədəd miniven tipli avtomobil).

 

2017-ci ilin iyun ayında Azərbaycan prezidenti ölkə ərazisində açıq məkanda reklam daşıyıcılarının yerləşdirilməsi, həmin reklam daşıyıcıları üzərində yerləşdirilməsi nəzərdə tutulan reklamların istehsalı (hazırlanması) və yayımlanması sahəsində vahid tənzimləməni və nəzarəti təmin etmək məqsədi ilə “Azərbaycan Respublikasının Dövlət Reklam Agentliyi” publik hüquqi şəxs yaradılmasına dair fərman imzalayıb. 

Digər xəbərlər

Banner