“Bəzi media resurslarında İnzibati Xətalar Məcəlləsinin 342-ci maddəsinin yeddinci hissəsində “mövcud standartlara uyğun olmayan” sözlərinin çıxarılaraq, məcəllənin 342.1.3-cü maddəsinə əlavə edilməsi düzgün tirajlanmayıb”.
Artırılan cərimələrin tam siyahısı - MƏBLƏĞLƏR - RƏSMİ AÇIQLAMA
FED.az xəbər verir ki, bu fikirləri açıqlamasında Bakı Şəhər Dövlət Yol Polis İdarəsinin baş inspektoru, polis mayoru deyib. O qeyd edib ki, standartlara uyğun olmayan nömrələr üçün cərimələr artırılmayıb: “Onlar üçün nəzərdə tutulmuş cərimə məbləği 40 manatdır. Bu, həmin məsələnin İnzibati Xətalar Məcəlləsinin 342.1.3-cü maddəsinə keçirilməsi ilə müəyyənləşib.
Məcəllənin 342.7-ci maddəsində isə cərimə məbləği 60 manatdan 100 manata artırılmaqla, yalnız saxta nömrələrlə avtomobil idarə edən şəxslər üçün sanksiyalar müəyyən edilib”.
Xatırladaq ki, bəzi kütləvi informasiya vasitələrində standartlara uyğun olmayan nömrələrlə maşın sürənlərin 100 manat cərimə ediləcəyi haqqında məlumat yayılıb.
