Avto

Bu il Gəncədə 1,3 min ədədə yaxın Belarus traktorunun yığılması - Planlaşdırılır

Bu il Gəncədə 1,3 min ədədə yaxın Belarus traktorunun yığılması - Planlaşdırılır | FED.az
10:24 14 Aprel 2021

2021-ci ildə Gəncə Avtomobil Zavodunda 1,3 min ədədə yaxın Belarus traktorunun yığılması planlaşdırılır. Bu barədə jurnalistlərə Belarusun Azərbaycandakı səfiri Andrey Ravkov bildirib.

Eləcə də bax: Azərbaycan traktor istehsalını - Bərpa Edib

FED.az xəbər verir ki, “BELTA” agentliyinin məlumatına görə, səfir Gəncə şəhərində Belarus texnikasının yığılmasını ixrac potensialının əsaslarından biri adlandırıb. 2007-ci ildən Gəncə Avtomobil Zavodunda 11,5 mindən çox Belarus traktoru, həmçinin 3,5 minə yaxın MAZ, "AMKODOR", "Belkommunaş" və "Qomselmaş" texnikası yığılıb. Diplomat vurğulayıb ki, hər iki ölkə sənaye kooperasiyasının inkişafında maraqlıdır.

“Bu il artıq 275 ədəd MTZ traktor komplekti alınıb, onların yığılması prosesi gedir. Mart ayında 450 traktor komplektinin tədarükü haqqında müqavilə bağlanıb. İndi 550 traktor komplektinin tədarükü haqqında müqavilənin imzalanması planlaşdırılır. Bu, ildə 1 275 traktor komplekti deməkdir. Prinsipcə, bu, pis məbləğ deyil”, - deyə Ravkov qeyd edib.

Onun sözlərinə görə, tərəflər, həmçinin digər Belarus texnikasının istehsal həcmlərinin bərpası ilə də məşğul olmaq niyyətindədir. Birgə yığılmış texnika ilə Türkiyə bazarına çıxmaq ideyası üzərində iş aparılır.

Belarus 2021-ci ildə Azərbaycandan neft alışını 25% artırmaq niyyətindədir

Belarus 2021-ci ildə Azərbaycandan 1 milyon ton neft almağı planlaşdırır ki, bu da 2020-ci illə müqayisədə 25% çoxdur.

“Bu il üçün bir milyon (Azərbaycandan neftin alınması - İF) planlaşdırılıb. Bu tədarüklər bərabər şəkildə gedir. Bu günə qədər 270 min ton tədarük edilib. 90 min tonluq tanker hazırda boşaltma məntəqəsinə hərəkət edir”, - deyə Belarusun Azərbaycandakı səfiri Andrey Ravkov bildirib.

“BELTA” agentliyinin məlumatına görə, səfir qeyd edib ki, 2020-ci ildə Azərbaycan Belarusa 800 min tona yaxın neft tədarük edib. “Ölkələr arasında bu sahədə əməkdaşlıq yalnız inkişaf edəcək”, – deyə o vurğulayıb. (interfaks)

Banner
Banner

Digər xəbərlər