Bakı şəhərində parkinqlərdə qiymət artırılıb.
FED.az xəbər verir ki, BakuPost-un əldə etdiyi məlumatına görə, Bakı şəhər İcra Hakimiyyətindən alınaraq Bakı Nəqliyyat Agentliyinin ixtiyarına verilmiş parkinqlərdə bu ildən qiymətlər iki dəfə artırılıb.
Məsələn, Bakıda Qış Parkında yerləşən parkinqdə bir avtomobil üçün aylıq abunə haqqı 30 manatdan 60 manata qaldırılıb. Hökumət Evi yaxınlığında isə parkinqdə aylıq abunə haqqı artıq 40 manat deyil, 80 manatdır.
Eləcə də bax: Bakıda avtomobillər bahalaşıb
Məsələ ilə bağlı Bakı Nəqliyyat Agentliyinin münasibətini öyrənmək mümkün olmayıb.
Sürücülər artıq sosial şəbəkələrdə "üsyan” etməyə başlayıblar. Müxtəlif qruplarda bu barədə yazan sürücülər, BNA-nın bu qərarını heç nə ilə izah etmədiyini bildirirlər.
Bakıda sürücülərə parkinq şoku - Qiymətlər 2 dəfə qaldırıldı
10:50
8 Yan 2019
