Neftçaladakı «Azərmaş» avtomobil zavodunda yeni «Xəzər» avtomobillərinin yeni modelinin istehsalına başlanıb. Bu barədə FED.az-a zavodun direktoru Emin Axundov bildirib.
ELƏCƏ DƏ BAX: Azərbaycan "Samand" avtomobillərinin - İSTEHSALINA BAŞLAYIR
Onun sözlərinə görə, müəssisədə «Xəzər LX» moleninin buraxılmasına başlanıb: «Bu model indiyədək buraxılan «Xəzər» avtomobillərinin bir qədər sadə, opsiyaları az olan formasıdır, fərqli mühərriklə buraxılır».
Yeni modelin mühərrikinin həcmi 1,7 litr, gücu 115 at gücüdür. Avtomobil digər modellər kimi mexaniki sürət qutusu ilə təmin edilib.
Nisbətən sadə olması «Xəzər LX»in qiymətinə də təsirini göstərib. Bu avtomobillər əvvəlkilər kim 18 min manata deyil, 14 min manta satılacaq.
