«Xəzər-Lada» ASC 2018-ci il üzrə maliyyə hesabatını açıqlayıb.

FED.az xəbər verir ki, şirkət 2018-ci ili mənfəətlə başa vurub.  «Xəzər-Lada» ASC-nin 2018-ci il cəmi gəlirləri 16 milyon 445 min 553 manat, cəmi xərcləri isə 16 milyon 174 min 753 manat olub.

 Şirkət 2018-ci ildə 54 min 160 manat mənfəət vergisi ödəyib. Nəticədə «Xəzər-Lada» ASC ili 216 min 640 manat mənfəətlə başa vurub.

İlin sonunda səhmdarların ümumu iclasında yığım fonduna (20%) 43 328 manat, istehlak fonduna (50%) 108 320 manat, dividendlərə (30%) 64 992 manat ayırmalar olub.

Büdcəyə cəmi 3 milyon 640 min 521 ödəniş olub.

Şirkətin cəmi aktivləri 2017-ci illə müqayisədə 21.8 % azalaraq 10 milyon 42 min 582 manata enib.

“Xəzər – Lada” ASC – nin cəmi kapitalları isə artıb. Cəmi kapitall 1.7% artaraq 9 milyon 542 min 582 manat olub.

Cəmi öhdəliklər isə təxminən 7 dəfə azalaraq  500 min manata enib.

Eləcə də bax: Bu ilin sonuna qədər Azərbaycan Rusiyaya avtomobil ixrac edəcək