2026-cı ilin yanvar-avqust aylarında Azərbaycanda 1929 ədəd minik avtomobili istehsal olunub.
Azərbaycanda bir ildə 112 milyon manatlıq «Mersedes» satılıb – SATICININ MƏNFƏƏTİ AZALDI
FED.az xəbər verir ki, bu barədə Dövlət Statistika Komitəsinin “2026-cı ilin yanvar-avqust aylarında ölkənin iqtisadi və sosial inkişafının makroiqtisadi göstəriciləri”ndə bildirilir.
Əvvəlki ilin müvafiq dövrü ilə müqayisədə minik avtomobillərinin istehsalı 380 ədəd və ya 16,5% azalıb. 2025-ci ilin yanvar-avqust aylarında ölkədə 2 309 ədəd minik avtomobili istehsal edilmişdi.
1 sentyabr 2026-cı il vəziyyətinə sənaye müəssisələrinin anbarlarında 130 ədəd hazır minik avtomobili ehtiyatı olub.
Yük avtomobillərinin istehsalı 2,7 dəfə artıb
2026-cı ilin yanvar-avqust aylarında Azərbaycanda 597 ədəd yük avtomobili istehsal olunub. Yük avtomobillərinin istehsalı əvvəlki ilin müvafiq dövrü ilə müqayisədə 2,7 dəfə artıb. Müqayisə üçün, ötən ilin eyni dövründə təxminən 221 ədəd yük avtomobili istehsal olunmuşdu. Beləliklə, yük avtomobillərinin istehsalında təxminən 376 ədədlik artım qeydə alınıb.
1 sentyabr 2026-cı il vəziyyətinə müəssisələrin anbarlarında 51 ədəd hazır yük avtomobili ehtiyatı olub.
Azərbaycanda avtobus istehsalı 44,5% artıb
2026-cı ilin ilk 8 ayında Azərbaycanda 224 ədəd avtobus istehsal edilib. Bu, əvvəlki ilin müvafiq dövrü ilə müqayisədə 44,5% çoxdur. Hesablamaya görə, 2025-ci ilin yanvar-avqust aylarında ölkədə təxminən 155 ədəd avtobus istehsal edilmişdi. Beləliklə, avtobus istehsalı illik müqayisədə təxminən 69 ədəd artıb.
1 sentyabr 2026-cı il tarixinə sənaye müəssisələrinin anbarlarında 26 ədəd hazır avtobus ehtiyatı qalıb.
Traktor istehsalı azalıb
2026-cı ilin yanvar-avqust aylarında Azərbaycanda 337 ədəd traktor istehsal olunub. Traktor istehsalı əvvəlki ilin müvafiq dövrünün 95,5%-nə bərabər olub. Bu isə istehsalın illik müqayisədə 4,5% azaldığını göstərir.
Hesablamaya görə, ötən ilin eyni dövründə təxminən 353 ədəd traktor istehsal edilmişdi. Beləliklə, istehsal təxminən 16 ədəd azalıb.
1 sentyabr 2026-cı il vəziyyətinə müəssisələrin anbarlarında 6 ədəd hazır traktor ehtiyatı olub.
