Avto

Azərbaycanda minik avtomobili istehsalı - 5 DƏFƏ ARTIB

Azərbaycanda minik avtomobili istehsalı - 5 DƏFƏ ARTIB | FED.az
22:38 19 Avq 2019

Dövlət Statistika Komitəsinin məlumatına görə, 2019-cu ilin yanvar - iyul aylarında (7 ayda) Azərbaycanda 1304 ədəd minik avtomobili istehsal edilib (yığılıb). 2018-ci ilin yanvar - iyul ayları ilə müqayisədə minik avtomobili istehsalı4,8 dəfə artıb.
Eləcə də bax: Kia Rio-nun bazasında - YENİ KROSSOVER BURAXILACAQ

FED.az "Marja"ya istinadən xəbər verir ki, 2019-cu ilin Yanvar ayında 89 ədəd, Fevralında 87 ədəd, Martında 107 ədəd, Aprelində 153 ədəd, Mayında 490 ədəd, İyun ayında 186 ədəd, İyul ayında 192 minik avtomobili istehsal edilib. 

01.08.2019-cu il vəziyyətinə hazır məhsul ehtiyatı 142 ədəd təşkil edib. 01.07.2019-cu il vəziyyətinə də hazır məhsul ehtiyatı 264 ədəd təşkil etmişdi.

​Ötən il Azərbaycanda 969 ədəd minik avtomobili yığılmışdı. 01.01.2019-cu il vəziyyətinə hazır məhsul ehtiyatı 193 ədəd təşkil etmişdi.

2019-cu ildə Neftçaladakı “Khazar” avtomobil zavodunda 3000 avtomobil istehsalı nəzərdə tutulur. Bunu “Azərmaş” ASC-nin idarə heyətinin sədri Emin Axundov jurnalistlərə açıqlamasında deyib. 

Azərbaycanda Naxçıvan Avtomobil Zavodu da minik avtomobilləri yığır. 

Həmçinin, 2019-cu ilin yanvar- iyul dövründə ölkəmizdə 837 ədəd traktor istehsal edilib. 2018-ci ilin yanvar-iyul dövrü ilə müqayisədə traktor istehsalı 0,2% azalıb.

Ötən il ölkəmizdə 1303 ədəd traktor istehsal edilmişdi. 

Digər xəbərlər