Bu ilin yanvar-noyabr aylarında Azərbaycana 1 milyard 417 milyon 981 min dollar dəyərində 74 min 366 ədəd minik avtomobil idxal olunub.
Xaricdən alınan hibrid avtomobilləri 2 dəfəyə yaxın bahalaşdı - YENİ QİYMƏT
FED.az bu barədə Dövlət Gömrük Komitəsinin hesabatına istinadən xəbər verir.
2023-cü ilin eyni dövrü ilə müqayisədə minik avtomobillərin idxalı dəyər ifadəsi ilə 40 milyon 618 min dollar və ya 2,9% artıb, miqdar ifadəsi ilə isə 7 min 458 ədəd və ya 9,1% azalıb.
Ötən ilin eyni dövründə xaricdən 1 milyard 377 milyon 362 min dollar dəyərində 81 min 824 ədəd minik avtomobili gətirilmişdi.
1 ədəd minik avtomobilinin orta idxal qiyməti 2024-cü ilin 11 ayının nəticələrinə görə orta hesabla 19 min 68 dollar (32 min 415 manat) olub ki, bu da son bir ildə 2 min 234 dollar (3 min 798 manat) və ya 13,3% bahalaşma deməkdir.
2023-cü ilin yanvar-noyabr aylarında isə 1 ədəd minik avtomobilinin orta idxal qiyməti 16 min 833 dollar (28 min 617 manat) olub.
