2017-ci ildə Azərbaycana 13 098 ədəd nəqliyyat vasitəsi gətirilib. FED.az xəbər verir ki, Dövlət Gömrük Komitəsinin açıqladığlı rəqəmlərin müqayisəsi göstərir ki, bu, 2016-cı ildəkindən 2,3 dəfə çoxdur.
Çünki 2016-cı ildə Azərbaycana 5 746 ədəd nəqliyyat vasitəsi gətirilmişdi. Minik avtomobillərinin idxalı isə 2016-cı ildəki 4 991 ədəddən 2017-ci ildə 11 610 ədədə yüksəlib.
Məlumatlara əsasən, 2017-ci ilin son ayında yəni dekabrda Azərbaycana 3270 ədəd avtomobil idxal olunub. 2018-ci ildən avtomobillərə gömrük rüsumlarının artması, hətta işlənmiş şinlərə belə gömrük rüsumunun qaldırılması ötən ilin sonlarında avtomobil bazarında ajiotajı artırdı. Nəticədə ilin əvvəlində aylıq idxal 1000 ədədə çatmadığı halda, dekabrda bunun 3 dəfə çox olmasını görmək mümkündür.
