ABŞ-da roboot istehsalı ilə məşğul olan «Boston Dynamics» şirkətinin istehsal etdiyi «Spot» robotu satışa çıxarılıb.
ED.az xəbər verir ki, istehsalçının məlumatına görə, bu robotdan bir neçə sahədə – sənaye nəzarətindən tutmuş əyləncəyə qədər istifadə etmək olar. Əvvəllər bu robotlar yalnız AMB hərbçilərinə satılırdı, indi isə istənilən şirkət onu əldə edə bilər, amma yalnız ABŞ ərazisində. Xarici alıcılar bu robotları yalnız icarəyə götürə bilərlər.
«Robot it» adlanan robotun qiyməti 74,5 min dollar və ya 127 min manatdır. Bu qiymətə Bakıda 2020-ci il istehsalı olan BMW X4 (2 litr mühərrik, sıfır gedişlə) əldə etmək mümkündür.
