Banner

Avto

Ağsu «perevalı» düzəlmir – TUNEL VƏ YENİ YOL ÇƏKƏCƏKƏR

Ağsu «perevalı» düzəlmir – TUNEL VƏ YENİ YOL ÇƏKƏCƏKƏR | FED.az
09:30 9 Mart 2019

Azərbaycanda ən mürəkkəb və dolanbac yollardan biri sayılan olan Ağsu dolayı problemini həll etmək üçün yeni tunel çəkiləcək.
FED.az portalı ONA.az-a istinadən xəbər verir ki, Nazirlər Kabineti Ağsu dolayından keçən yolda tunel tikilməsini planlaşdırılır. Hazırda yolun texniki iqtisadi əsaslandırılması hesabatının son versiyası hazırlanır. 
Eləcə də bax: Pullu yollar belə işləyəcək - QAYDALAR, ÖDƏNİŞ  FORMALARI - QƏRAR

Ağsu dolaylarında yolun əsaslı təmir edilməsi ilə bağlı Azərbaycan Hökuməti və Dünya Bankı qrupuna daxil olan Beynəlxalq Yenidənqurma və İnkişaf Bankı arasında bağlanmış “Azərbaycan Magistral Avtomobil yolu” layihəsi üzrə Borc Sazişi və Beynəlxalq İnkişaf Assosiasiyası arasında bağlanmış Kredit Sazişi çərçivəsində “Bakı-Şamaxı-Yevlax avtomobil yolunun Şamaxı-Ağsu hissəsi üzrə alternativ yol oxunun seçimi və texniki-iqtisadi əsaslandırma”nın hazırlanması nəzərdə tutulur. 
Eləcə də bax: Aeroporta işləyən taksilərə əlavə tələblər qoyulub

Bu, Nazirlər Kabinetinin 2018-ci ildə fəaliyyəti haqqında hesabatda əksini tapıb. 
Sənəddə qeyd edilir ki, alternativ yol oxunun seçilməsi və texniki-iqtisadi əsaslandırma sənədlərinin hazırlanması üçün beynəlxalq rəqabətli tender keçirilib və İtaliyanın “NET Engineering S.p.A” məsləhətçi şirkəti ilə müqavilə imzalanıb. Mürəkkəb geoloji quruluşa və coğrafi mövqeyə malik ərazidə kifayət qədər dərin şəraitdə tunelin tikilməsi şərti ilə həyata keçirilməsi nəzərdə tutulan yolun texniki iqtisadi əsaslandırılması hesabatının son versiyası hazırlanır. 

Digər xəbərlər

Banner