Xəbər verdiyimiz kimi, Azərbaycan Respublikasının Vergi Məcəlləsində dəyişiklik edilməsi haqqında Qanun layihəsinə görə, Məcəllənin 102.1.30-cu maddə aşağıdakı redaksiyada veriləcək:
“102.1.30. müvafiq il üzrə orta aylıq muzdlu işçi sayı 3 nəfərdən az olmayan və məcburi dövlət sosial sığorta haqları üzrə borcu olmayan mikro sahibkarlıq subyekti olan fərdi sahibkarların sahibkarlıq fəaliyyətindən əldə etdikləri gəlirinin 75 faizi.
Müvafiq il üzrə orta aylıq muzdlu işçi sayı təqvim ili ərzində muzdlu işçilərin sayının cəmlənərək 12-yə bölünməsi yolu ilə müəyyən edilir.
FED.az biznes və maliyyə xəbərləri portalı Marja-ya istinadən xəbər verir ki, vergi ödəyicisi vergi güzəştinin tətbiqi məqsədilə bu maddədə müəyyən edilən şərtə cavab vermədikdə və növbəti hesabat ilində mikro sahibkarlıq subyektindən digər kateqoriya sahibkarlıq subyektinə keçdikdə fərdi sahibkarın mikro sahibkar olduğu əvvəlki 3 təqvim ilinin yekunlarına görə hesablanmış və ödənilmiş gəlir vergisinin 75 faizi həcmində vergi güzəşti müəyyən edilməklə digər sahibkarlıq subyekti olduğu dövrlərdə gəlir vergisi öhdəliyindən çıxılır.
Azərbaycanın regionlarındakı hotellərin əmlak vergisi - 75% AZALDILIR
Azərbaycanda bu spirtli içkilərin aksiz vergisi - 20% ARTIRILIR
Mikro sahibkarlar üzrə vergi güzəşti ləğv edilir - 20 FAİZ VERGİ ÖDƏNİLƏCƏK
Azərbaycanda vergi ödəyicilərinə borcunu ödəmək üçün - VAXT VERİLƏCƏK
Yük daşıma ilə məşğul olan şəxslər üçün – VERGİLƏR ARTIRILIR – MƏCƏLLƏYƏ DƏYİŞİKLİK
Vergi ödəyicisi tərəfindən əmtəəsiz əməliyyatlar aparıldığı halda bu maddə ilə müəyyən edilmiş vergi güzəşti əmtəəsiz əməliyyatlardan yaranan gəlirlərə münasibətdə tətbiq edilmir".
Həmçinin 106.1.20-ci maddə aşağıdakı redaksiyada verilir:
“106.1.20. müvafiq il üzrə orta aylıq muzdlu işçi sayı 3 nəfərdən az olmayan və məcburi dövlət sosial sığorta haqları üzrə borcu olmayan mikro sahibkarlıq subyekti olan hüquqi şəxslərin sahibkarlıq fəaliyyətindən əldə etdikləri mənfəətin 75 faizi;
Müvafiq il üzrə orta aylıq muzdlu işçi sayı təqvim ili ərzində muzdlu işçilərin sayının cəmlənərək 12-yə bölünməsi yolu ilə müəyyən edilir.
Vergi ödəyicisi vergi güzəştinin tətbiqi məqsədilə bu maddədə müəyyən edilən şərtə cavab vermədikdə və növbəti hesabat ilində mikro sahibkarlıq subyektindən digər kateqoriya sahibkarlıq subyektinə keçdikdə hüquqi şəxsin mikro sahibkar olduğu əvvəlki 3 təqvim ilinin yekunlarına görə hesablanmış və ödənilmiş mənfəət vergisinin 75 faizi həcmində vergi güzəşti müəyyən edilməklə digər sahibkarlıq subyekti olduğu dövrlərdə mənfəət vergisi öhdəliyindən çıxılır.
Vergi ödəyicisi tərəfindən əmtəəsiz əməliyyatlar aparıldığı halda bu maddə ilə müəyyən edilmiş vergi güzəşti əmtəəsiz əməliyyatlardan yaranan gəlirlərə münasibətdə tətbiq edilmir”.
Qısası, dəyişikliyə görə, mikro subyektin işçi sayı azı 3 nəfər olduqda gəlirlərin və ya mənfəətin 75%-i vergisindən azad olacaqdır.
FED.az xəbər verir ki,, Auditorlar Palatasında Azərbaycan Respublikasının Vergi Məcəlləsində dəyişikliklər edilməsi”nə dair layihənin müzakirəsinə həsr olunmuş “Dəyirmi masa” “Bizcon Audit” MMC-nin direktor-auditoru Anar Bayramov bildirib ki, Məcəlləyə daəyişiklik fərdi sahibkarlar üçün daha ağır nəticələrə səbəb olacaq:
"Hüquqi şəxs olan müəssisələrin Direkotu olduğundan artıq 1 işçisi var. Həmçinin, hüquqi şəxslərin dövriyyələri mikro fərdi sahibkarlar ilə müqayisədə yüksək olur. Bunlara görə, əlavə 2 işçinin tapılması çətin olmayacaq. Amma təkbaşına fəaliyyət göstərən fiziki şəxslər üçün çox çətin olacaq. Mikro sahibkarlar əlavə 3 işçi götürməyə məcbur olacaqlar. Təsəvvür edin, ayda 2000 manat gəlir əldə edən mikro sahibkar, əgər bu güzəştdən istifadə etməsə, 2000 manatın 400 manatını vergiyə, 100 manatisə sosial sığortaya ödəməlidir. Yəni 2000 manatın 500 manatı vergiyə və sosial sığortaya gedəcək".
Anar Bayramov əlavə edib ki, fiziki şəxslər özləri işçi hesab olunmurlar, onlar əlavə 3 nəfəri işə qəbul etməyə məcbur olacaqlar.
"3 nəfər işçiyə görə minimum 400 manat əməkhaqqı yazılsa, ayda 1200 manat edir. 1200 manatın vergisi və soail sığortası ayda 360 manat olmaqla, ill ərzində 4320 manat pul edir",- Anar Bayramov əlavə edib.
Əmtəəsiz əməliyyat nədir?
Bu əməliyyat vergi nəzarəti tədbiri zamanı aşkarlanan, başqa əməliyyatı pərdələmək məqsədilə aparılan və faktiki olaraq mallar, işlər və xidmətlər təqdim edilmədən mənfəət əldə etmək məqsədilə rəsmiləşdirilən əməliyyatdır.
