Vakansiyalar

"Beynəlxalq Bank" işçilər axtarır - VAKANSİYALAR

"Beynəlxalq Bank" işçilər axtarır - VAKANSİYALAR | FED.az
20:01 21 Noy 2020

 

Azərbaycan Beynəlxalq Bankı Bakı filialları üçün Müştəri Xidmətləri üzrə Mütəxəssis (Əməliyyatçı) vakansiyaları elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər. 

Görəcəyiniz işlər:

• Müştərilərə Bankın məhsul və xidmətləri barədə məlumat vermək;
• Hüquqi və fiziki şəxslərin bank hesabları üzrə əməliyyatlar həyata keçirmək;
• Vergi, məhkəmə orqanları və DSMF tərəfindən müştəri hesabları ilə bağlı verilmiş sərəncamların reyestrini apararaq, icrasını təşkil etmək;
• Bankda mövcud olan pulköçürmə sistemləri vasitəsilə müştərilərə vəsaitlərin göndərilməsi və verilməsi üzrə xidmət göstərmək;
• Müştərilərə POS-terminal vasitəsilə nağd pulun verilməsi üzrə xidmət göstərmək, iş gününün sonunda zəruri müxabirləşmələr aparmaq;
• Şöbənin fəaliyyətindən irəli gələn digər vəzifələri icra etmək;
• Bank fəaliyyəti ilə bağlı qüvvədə olan hüquqi normalara riayət etmək, Bankın korporativ dəyərlərini mənimsəmək və müştərilərə xidməti bu çərçivədə həyata keçirmək;
• Müştəri məmnuniyyətinin əldə olunmasına çalışmaq, daha yaxşı xidmətin təşkili məqsədilə təkliflər hazırlamaq.

Bizim üçün ideal namizəd:

• Ali iqtisadi təhsili olan;
• Komandada işləmək bacarığı olan;
• Analitik düşüncə, təhlil və qərarvermə qabiliyyəti olan;
• İşdə dəqiqlik və detallara fikir verməkvə yüksək məsuliyyət qabiliyyəti olan şəxsdir.

Göstərilən tələblərə cavab verən namizədlər təcrübədən asılı olmayaraq öz CV-lərini [email protected] elektron ünvanına göndərə bilərlər.

Məktubun mövzu hissəsində müraciət edilən vəzifə adının “Bakı/Əməliyyatçı” şəklində göstərilməsi xahiş edilir. Əks təqdirdə, müraciətiniz nəzərdən qaça bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

 

Azərbaycan Beynəlxalq Bankı Hüquq departamentinin Məhkəmələr və dövlət orqanları ilə iş şöbəsinə baş hüquqşünas vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Görəcəyiniz işlər:

- Kredit və təminat müqavilələri (girov, ipoteka, zaminlik, qarantiya və digər) üzrə, habelə bunlardan irəli gələn ayrı-ayrı mübahisələr istisna olmaqla, Banka qarşı qaldırılmış və/və ya Bankın qaldırdığı iddialar üzrə Bankı aidiyyəti məhkəmələrdə təmsil etmək mübahisələrin həlli üçün strategiyanı müəyyən etmək, habelə iddia ərizələri və digər sənədləri hazırlamaq;
- Məhkəmə işlərinin aparılması üçün zəruri olan məktub, bildiriş, ərizə və s. şablonları hazırlamaq;
- Məhkəmələrdən, dövlət hakimiyyəti orqanları, idarə, təşkilat və müəssisələrlə hüquqi müstəvidə işin təşkilini təmin etmək, onlardan daxil olan sorğuları və müraciətləri hüquqi ekspertizadan keçirmək və cavablandırmaq, habelə bununla bağlı vahid reyestri yaratmaq;
- Məhkəmə qərarlarının icrası ilə bağlı Bankın digər struktur bölmələrindən daxil olan sorğuları cavablandırmaq;
- Bankın gündəlik fəaliyyəti ilə əlaqədar dövlət orqanlarında, ictimai və digər təşkilat və müəssisələrdə Bankın hüquqlarını və mənafeyini qorumaq məqsədi ilə təmsilçilik etmək;
- Bankı hüquq-mühafizə orqanlarında (polis, prokurorluq, məhkəmə, ədliyyə, vergi və s.) zərərçəkən şəxs, mülki iddiaçı, mülki cavabdeh qismində təmsil etmək;
- Banka daxil olan icra sənədlərinin hüquqi ekspertizasını həyata keçirmək və icra edilməli olan icra sənədlərini aidiyyəti üzrə Bankın müvafiq struktur bölmələrinə təqdim etmək.

Komandaya qoşulmaqla Siz nə əldə edəcəksiniz:

- Təlim və inkişaf məsələlərində Bankın dəstəyi
- Davamlı karyera inkişafı
- Bank sahəsində iş proseslərini dərindən öyrənmək imkanı;
- Hüquq sahəsində potensialınızı reallaşdırmaq imkanı;
- Zəngin təcrübə qazanmaq və fərdi inkişaf imkanı;
- Peşəkar sahədə geniş əlaqələr qurmaq imkanı;
- Yüksək şəxsi və peşəkar keyfiyyətlərə malik komandanın bir üzvü olmaq.

Bizim üçün ideal namizəd:

- Hüquq üzrə ali təhsilli;
- Maliyyə sahəsində ixtisaslaşmış və məhkəmələrdə çıxış təcrübəsi olan (vəkil olması arzuolunandır);
- Rus dilini əla səviyyədə bilən;
- Ofis proqramlarında sərbəst işləməyi bacaran şəxsdir.

Əgər bizim axtardığımız ideal namizəd Sizsinizsə CV-nizi [email protected] elektron ünvanına göndərməyiniz xahiş olunur (məktubun mövzusu: “ Məhkəmələr və dövlət orqanları ilə iş şöbəsinin baş hüquqşünası ")

İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.

Əlavə məlumat üçün: www.ibar.az

 

Azərbaycan Beynəlxalq Bankı regionlar üzrə Mikro kreditlər üzrə mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Vakansiya aşağıdakı regionlar üzrə aktivdir:

• Sumqayıt
• Kürdəmir
• Bərdə
• Ağcabədi
• Şəmkir
• Göyçay
• Şamaxı
• Zaqatala
• Şəki
• Yevlax
• Tovuz
• Mingəçevir

Görəcəyiniz işlər:

• Bankın mikro kreditlər seqmentinə aid müştəri portfelinin idarə edilməsini və bu seqmentə aid bütün növ bank məhsullarının satışını təşkil etmək;
• Mikroseqmentə aid müştərilərin müxtəlif marketinq alətləri vasitəsilə cəlbinin təşkili;
• Müştərilərin kredit sifarişlərini qəbul edərək ilkin təhlilin aparılması, müvafiq qərarvermə orqanına təqdim edilməsi üçün aidiyyatı struktur bölmələrlə razılaşdırılması və prosesin sonadək təqib edilməsi işinin təşkili;
• Kredit portfelinin idarə olunması, keyfiyyətinə nəzarət, həmçinin gecikmələrin aradan qaldırılması məqsədilə müvafiq tədbirlərin həyata keçirilməsinin təşkili;
• Müştəri portfeli üzrə əməkdaşlıq, müraciət zamanı prosesi təqib etmək və yarana biləcək problemlərin həllinə sonadək dəstəyi təşkil etmək.

Bizim üçün ideal namizəd:

• Ali təhsili olan (iqtisadi arzuolunandı);
• Azərbaycan dilini səlis bilən;
• Yüksək səviyyədə ünsiyyət qurma bacarığı olan;
• Yüksək səviyyədə satıcılıq xüsusiyyətləri olan;
• Tələb olunan sahə üzrə ən azı 1 illik iş təcrübəsi olan şəxsdir.

Bu iş sizə nələri qazandıracaq:

• Regionun aparıcı bankında zəngin iş təcrübəsi qazanmaq imkanı;
• Müvafiq sahədə özünüzü reallaşdırmaq üçün şərait;
• Təcrübəli və yüksək motivasiyalı komandanın üzvü olmaq;
• Adekvat əmək haqqı.

Göstərilən tələblərə cavab verən namizədlər öz CV-lərini [email protected] elektron ünvanına göndərə bilərlər.

Məktubun mövzu hissəsində müraciət edilən şəhər və vəzifə adının “Mikro kreditlər üzrə mütəxəssis (region adı)” göstərilməsi xahiş edilir. Əks təqdirdə, müraciətiniz nəzərdən qaça bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

 

Azərbaycan Beynəlxalq Bankı Məhsulların yaradılması və Partnyorlarla iş şöbəsinə AparıcıBaş Mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Görəcəyiniz işlər:

• Kiçik və orta sahibkarlıq fəaliyyəti ilə məşğul olan fərdi sahibkarlar və hüquqi şəxslərin fəaliyyətləri ilə bağlı qanunvericilikdə olan dəyişikliklər ilə əlaqədar mövcud kiçik və orta sahibkarlıq seqmenti üzrə cari bank məhsul və xidmətlərinin modifikasiyası və ya yeni təqdim ediləcək bank məhsul və xidmətlərinin yaradılması və aidiyyəti struktur bölmələr ilə birgə tətbiqinin həyata keçirilməsi;
• KOS seqmenti üzrə bankdaxili normativ sənədlərin işlənib hazırlanmasında aidiyyəti struktur bölmələr ilə birgə əməkdaşlığın aparılması;
• KOS seqmenti üzrə daxili və xarici bazar şərtlərinin müntəzəm olaraq araşdırılması və zərurət yarandığı təqdirdə mövcud məhsul və xidmətlərin təkmilləşdirilməsi məqsədi ilə təkliflərin hazırlanması və tabe olduğu birbaşa rəhbərə təqdim edilməsi;
• Mövcud məhsul və xidmətlərin effektivliyinin müəyyən edilməsi məqsədi ilə müvafiq struktur bölmələrdən hesabatların əldə edilməsi üçün tabe olduğu birbaşa rəhbərin razılığı əsasında müvafiq strukturlara müraciətin ünvanlanması, əldə edilmiş məlumatların təhlilinin aparılması və nəticələri barədə hesabatın təqdim edilməsi;
• Məhsulların inkişaf etdirilməsi istiqamətində bankdaxili qısa və uzunmüddətli layihələrin hazırlanması prosesində Bankın digər struktur bölmələri ilə birgə əməkdaşlıq;
• KOS seqmenti üzrə rəqəmsal bank məhsul və xidmətlərin inkişaf etdirilməsi istiqamətində təkliflərin hazırlanması və aidiyyatı üzrə təqdim edilməsi;
• Yeni layihələrin həyata keçirilməsi istiqamətində təkliflərin hazırlanması və təqdim edilməsi;
• Cari və yeni layihələr üzrə yerli və beynəlxalq təşkilatlar ilə əməkdaşlığın formalaşdırılması və inkişaf etdirilməsi istiqamətində verilən tapşırıqların icrası və hesabatların təqdim edilməsi;
• KOS müştərilərin daimi bazarda dəyişən tələblərinə uyğun olaraq müvafiq cari məhsul və xidmətlərin təkmilləşdirilməsi üçün bazarın araşdırılması və təkliflərin verilməsi;
• Departamentin fəaliyyət istiqamətlərinə uyğun olaraq, səlahiyyətləri çərçivəsində bankdaxili məlumat bazalarına və əməliyyat sistemlərinə çıxışların əldə edilməsi;
• Rəhbərliyin aidiyyatı digər tapşırıqlarını icra etmək, şöbənin və departamentin fəaliyyət dövrü ərzində əmələ gələn digər vəzifələrin yerinə yetirilməsi;

Bizim üçün ideal namizəd:

• Ali iqtisadi / hüquqi təhsili olan;
• Tələb olunan sahə üzrə ən azı 2 illik iş təcrübəsi olan
• Səlis Azərbaycan dili bilən (İngilis dili arzuolunandır);
• Analitik düşüncə və yaradıcılıq qabiliyyəti olan;
• Komandada işləmə bacarığı olan şəxs.

Bu iş sizə nələri qazandıracaq:

• Regionun aparıcı Bankının fəaliyyətinin dərindən öyrənilməsi imkanı;
• Müvafiq sahədə özünüzü reallaşdırmaq imkanı;
• Təcrübəli və motivasiyalı komandanın üzvü olmaq;
• Adekvat əmək haqqı.

Göstərilən tələblərə cavab verən namizədlər öz CV-lərini [email protected] elektron ünvanına göndərə bilərlər.

Məktubun mövzu hissəsində müraciət edilən şəhər və vəzifə adının “Məhsulların yaradılması və Partnyorlarla iş şöbəsinə AparıcıBaş Mütəxəssis”göstərilməsi xahiş edilir. Əks təqdirdə, müraciətə baxılmaya bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

Digər xəbərlər