2025-ci ilin yanvar-sentyabr aylarının yekunlarına əsasən, Azərbaycanın bir sıra rayonlarında turizm obyektlərinin gəlirlərində ötən illə müqayisədə ciddi azalmalar müşahidə olunub.

FED.az xəbər verir ki, renkinqə gəlirlərin ən çox azalma tempi ilə Oğuz rayonu başçılıq edir. Rayondakı otellərin gəlirləri 81,4 min manat azalaraq, ötən illə müqayisədə 4,4 dəfə aşağı düşüb.

İkinci yerdə Ağcabədi rayonu qərarlaşıb – burada azalma 305,8 min manat, yəni 2,8 dəfə təşkil edib.

Balakən rayonunda gəlirlər 152,1 min manat, başqa sözlə 2,5 dəfə azalıb. Daşkəsən rayonunda isə bu göstərici 28,6 min manat və ya 2,0 dəfə geriləyib.

Faiz ifadəsində ən böyük azalma Cəlilabad rayonunda qeydə alınıb – otellərin gəliri 35,4 min manat, yəni 36,2 faiz azalıb.

Şabran rayonunda turizm gəlirləri 3 milyon 940,4 min manat, başqa sözlə 30,7 faiz aşağı düşüb.

Lerik rayonunda 57,9 min manat və ya 24,4 faiz, Göyçay rayonunda isə 15,4 min manat, yəni 22,5 faiz azalma olub.

İmişli rayonu 40,3 min manat (başqa sözlə 21,8 faiz), Şəki rayonu 477,6 min manat (və ya 18,4 faiz) itki ilə üzləşib.

Sumqayıt şəhərində gəlirlər 200,1 min manat, yəni 15,1 faiz, Goranboy rayonunda isə 37,6 min manat, başqa sözlə 14,8 faiz azalıb.

Turizm mərkəzlərindən Xaçmaz rayonunda gəlirlər 1 milyon 308,7 min manat və ya 14,2 faiz geriləyib. Quba rayonunda isə azalma 1 milyon 203,4 min manat, yəni 5,0 faiz təşkil edib.

Siyahını ən az azalma göstəriciləri ilə Yardımlı rayonu (1,7 min manat, başqa sözlə 3,4 faiz) və Tovuz rayonu (2,2 min manat, və ya 0,6 faiz) tamamlayır.