Təhsil və elm

Google şirkətinə necə işə düzəlmək olar və ümumiyyətlə, buna dəyərmi?

Google şirkətinə necə işə düzəlmək olar və ümumiyyətlə, buna dəyərmi? | FED.az
18:06 5 Avq 2016
15 iyul tarixində məlum oldu ki, Google “Zero” adlı layihəsinə xakerlər komandasını yığır. Həmin komandanın işi internetdəki zəif yerləri və digər kiber təhlükələri tapıb onları aradan qaldırmaqdır. Komandaya Adobe Flash və Microsoft Office, eləcə də Safari, iOS və OSX-dəki zəif yerləri tapan insanlar daxil olacaqdır. Hazırda bu şirkətə mütəxəssislərin seçimi prosesi davam etdiyinə görə “Look At Me” saytı “Xeyir korporasiyası”nın potensial işçilərinin hansı keyfiyyətlərə malik olmasını araşdırmağa qərar verdi.

Şirkət əməkdaşları deyirlər ki, onların işinin ən əsasüstünlüklərindən biri inanılmaz ağıllı və istedadlı insanlarla çalışmaq imkanın olmasıdır. Google şirkətinin məşhur adı və bütün digər bonuslarla birgə maliyyə nailiyyətləri şirkətə çox güclü mühəndislər komandasını yığıb yaratmağa kömək etdi. Onların çoxusu İT-icması daxilində öz sözünü demiş superulduzlardır.

Bəs maraqlıdır iş müsahibəsi zamanı Google şirkətində hansı suallar verilir?

Keçmiş işçilər və namizədlər qeyd edirlər ki, müsahibə bir neçə mərhələdə keçir (menecerlər hətta 6 müsahibə keçir). Onlardan bəziləri distant şəkildə həyata keçirilir, məsələn: Google Hangouts vasitəsilə. Şirkətin potensial əməkdaşları ümumi məzmunlu suallardan (iş təcrübəsi, həyata baxışları və s.), mücərrəd və təcrübi , yəni praktiki tapşırıqlardan (xüsusilə də texniki mütəxəssislər üçün) ibarət müsahibə mərhələsini keçməlidirlər.

Google şirətinin müsahibələrində iştirak etmiş şirkət əməkdaşları və namizədləri bu prosesin necə keçdiyi barədə danışmışlar.

Google şirkətində müsahibə zamanı verilən gözlənilməz suallar bunlar idi:
  • “Alimlər iddia edirlər ki, smartfon akkumulyatorlarını artıq təkmilləşdirmək olmaz. Bəs siz bizim smartfonumuz barədə daha müsbət fikir yaratmaq üçün nə edərdiniz?”
  • “Əgər həyatınızda sadəcə bir rəqs oynamaq imkanınız olsaydı, həmin rəqs hansı və necə olardı?”
  • “Google şirkətinin bütün serverlərinin ümumi ölçusu nədir?”
  • “Google şirkətinin hansı layihəsini və nə üçün bağlayardınız?”
  • “Facebook şirkətinin illik gəlirini qiymətləndirin”
  • “Hündür binadan atlaya bilərdiniz?”
  • “Qəribə birisiniz?”
  • “Fərz edin ki, qəpiyi 400 dəfə atdız. Onun arxa üzünə 220 dəfə düşmə ehtimalı varmı?
  • “Müsahibəyə hazırlaşmaq üçün əlavə vaxta ehtiyacınız varmı?”

Google şirkətinin namizədlərdə görmək istədiyi 5 əsas xüsusiyyət

Google şirkətinin vitse-prezidenti Laslo Bok (Laszlo Bock) “The Times” qəzetinə verdiyi müsahibədə şirkət əməkdaşlarının texniki namizədlərlə apardığı müsahibə zamanı onlarda fikir verdiyi 5 əsas xüsusiyyəti sadalamışdır.
  1. Proqramlaşdırma bacarıqları

“Bütün şirkət əməkdaşlarının yarısı şirkətdə texniki ixtisaslar üzrə işləyir”.

Sual nümunələrindən biri: sizin doğurdan da yaxşı sahib olduğunuz xidməti bacarıqlar siyahınız varmı?
Səhv cavab: “Bəli” – cavab ona görə səhvdir ki, öz işini bilən insan yeni tapşırıqların həlli məsələsinə formal şəkildə yanaşır.
  1. Öyrənmə bacarıqları
“Bu IQ dərəcəsi deyil, ümumi koqnitiv bacarıqlardır, məlumatı çox cəld emal etmə bacarığıdır və ümumi dağınıq məlumat fraqmentlərinə gətibi çıxarır”.

Sual nümunələrindən biri: Nə üçün KİV-dəki son 5 məqaləni oxumusunuz?
Səhv cavab: “Onlar mənim xoşuma gəlib” – bu cavab səhvdir, çünki 5 fərqli mətni ümumiləşdirməyiniz düzgün deyildir.
  1. Liderlik
Bu, sizin nə vaxtsa şaxmat klubunun prezidenti və ya satışlar üzrə vitse-prezident olduğunuz zamanlarda mövcud olan ənənəvi liderlik keyfiyyətləriniz deyildir. Google şirkətini maraqlandıran tərəf odur ki, komandanız hər hansı bir problemlə üzləşdiyi zaman siz vaxtında öz həll yolunuzla müdaxilə edə biləcəksinizmi? Və ya geri çəkiləcəksinizmi? Effektiv lider olmanız üçün siz hökmranlığınızdan əl çəkməyi bacarmalısınız”.

Sual nümunələrindən biri: Bugün şam yeməyində nə yeyəcəyik?
Səhv cavab: “Nə yemək istərdiniz?” – bu cavab ona səhvdir ki, siz təşəbbüsü əlinizə almırsınız.
  1. Mənimsəmə hissi
“Bu hiss məsuliyyət hissidir və hər hansı bir problemə müdaxilə etməyə şərait yaradan (korporativ layihələrə) mənimsəmə, sahibçıxma hissidir.

Sual nümunələrindən biri: Siz səriştəsiz və tənbəlsiniz?
Səhv cavab: “Xeyr” – cavab ona görə yanlışdır ki, öz səriştənizi zərbə altına qoymamaqdan ötrü cəsarətli həllər təklif etməyə risk etməyəcəksiniz.
  1. İntellektual təvazökarlıq
“Uğurlu və parlaq gənclər çox nadir hallarda uğursuz qərarlar qəbul edirlər və səhv etmədiklərinə görə məlum məsələdir ki, öz səhvləri üzərində öyrənə bilmirlər. Google şirkətinin məqsədi isə problemlərin həlli üzərində birgə işləməkdir. İlk öncə şirkət əməkdaşalrı yardım edir, daha sonra geri çəkilib müşahidə aparırlar”.

Sual nümunələrindən biri: Sizin İQ 130 punktdan yuxrıdırmı?
Səhv cavab: “Bəli” – yanlışdır, çünki əgər siz öz intellektual bacarıqlarınızda əminsinizsə və testlərdən aldığınız qiyməti xatırlayırsınızsa, o zaman böyük ehtimal var ki, siz öyrənmək niyyətində deyilsiniz və digər “daha az intellektual” olan kəsləri öz uğursuzluqlarınızda günahlandırmağa meyllisiniz.


Mənbə: www.lookatme.ru

Digər xəbərlər

Banner