Azərbaycanda gənclərin işlə təmin edilməsi, özü də sadə deyil, İT sektorunda, perspektivli və bütün dünyada tələbatın böyük olduğu ixtisaslar üzrə işə qəbul edilməsi üçün unikal layihə başlanılıb.
FED.az xəbər verir ki, paytaxtda təşkil edilən 12 həftəlik İT kurslarından sonra kursu bitirən gənclərə ABŞ şirkətlərində iş təklif edilir.
Eləcə də bax: Bakıda işə başlayan yeni pullu məktəbdə – TƏHSİL HAQQI 10 MİN MANAT - AÇIQLANDI
Bu imkan «IdealHub» İnnovasiya və Texnologiya Mərkəzinin, «Strategeast» təşkilatının və ABŞ-ın ən böyük İT şirkətlərindən olan EPAM-ın əməkdaşlığı ilə yaradılıb.
Artıq bir neçə həftə əvvəl kursu bitirmiş 40 gənc dərhal iş təklifi alıblar və evdən çalışmaqla ABŞ şirkətlərində işləmək imkanı qazanıblar.
Bu yeniliklə bağlı FED.az-ın suallarını «IdealHub» İnnovasiya və Texnologiya Mərkəzinin layihə koordinatoru Aysel Nağıyeva cavablandırır.
- Layihənin partnyorları (o cümlədən xarici İT şirkətlər olaraq) kimlərdir, hansı mənbələrdən maliyyələşdirilir.
- Gələcək İT karyerasını qurmaq istəyənlər üçün, texniki bacarıqları öyrətmək və konsultativ yardım göstərmək məqsədilə “IdealHub” İnnovasiya və Texnologiya Mərkəzi “Learn&Earn” proqramı çərçivəsində Azərbaycanda ilk dəfə Amerika Birləşmiş Ştatlarının Strategeast qlobal İT şirkəti ilə əməkdaşlıq çərçivəsində 100% iş təminatlı İT kurslar təşkil edib. Layihə fərdi investor və sponsorlar tərəfindən ilkin mərhələdə təmənnasız olaraq dəstəklənir.
- Layihənin Azərbaycandakı partnyoru olaraq “IdealHub” təşkilatı necə seçilib?
- Azərbaycanda qlobal səviyyədə ixtisaslaşmış İT kursların az olması, beynəlxalq mütəxəssislərin bu sahəyə kifayət qədər cəlb edilməməsi ölkəmizdə İT sektorunun inkişaf etməsinə mane olan və nəticədə potensial kadrların xarici ölkələrə “beyin axınına” səbəb olan əsas problemlər sırasına daxildir. Bu səbəbdən “IdealHub” İnnovasiya və Texnologiya Mərkəzinin “Learn&Earn” proqramı çərçivəsində İT sahəsində müxtəlif tədris layihələri həyata keçirilməkdədir. Azərbaycanda keyfiyyətli İT mütəxəssislərin kadr bazasını yaratmaq və eyni zamanda Azərbaycandan “beyin axınını” aradan qaldırmaq üçün IdealHub Amerikanın qlobal İT şirkəti Strategeast ilə əməkdaşlığa başladı. Qeyd edim ki, bu bizim layihədir, ona görə də tərəfdaş seçiimini biz apardıq və «Strategeast» təşkilatını seçdik.
“IdealHub” fərdi innovasiya və texnologiya mərkəzi olaraq məqsədimiz İT sahəsində ixtisaslı kadrların sayını artırmaq, yüksək məvacibli iş yerləri yaratmaq, texnoloji sahibkarlıq imkanlarını genişləndirmək, birbaşa xarici investisiyaları cəlb etmək və İT xidmətlər ixrac etməklə Azərbaycanda bu sənayenin yaradılmasının asanlaşdırılmasına kömək etməkdir.
- Layihə üzrə İT kurslarına qatılmaq üçün hansı kriteriyalar nəzərdə tutulub?
- IdealHub tərəfindən tədris olunan İT kurslarda Azərbaycanda yaşayan istənilən şəxs, yaşdan, təhsildən və bitirdiyi universitetdən asılı olmayaraq tədris keçə bilər. İT sahəsindən gəlməyən tam fərqli olan tələbələrimiz var. Hər şəxsə uyğun fərqli istiqamətdə tədris mövcuddur. Əsas tələbələrdə öyrənmək istəyin olmasıdır.
- Hər qrup üçün neçə iştirakçı seçilməlidir? Gələcəkdə bu say arta bilərmi?
- Hazırda 40 nəfər tələbəni 60 000-dən çox işçisi olan Amerikanın qlobal EPAM İT şirkətində işlə təmin etmək kimi öhdəlik üzərimizə götürmüşük. Yaxın bir ildə bu rəqəmi 900 nəfərə çatdırmağa düşünürük. Keçən həftə artıq IdealHub mərkəzinin debüt buraxılışın ilk məzunları buraxıldı.
- Martda elan edilmiş 1-ci və avqustda elan edilmiş 2-ci seçimlər üçün müraciət edənlərin sayı nə qədər olub və onlardan neçə iştirakçı seçilib?
- İlk kurslar üçün təqribən 150 nəfər müraciə etmişdi, onlardan 40 nəfər seçildi və təlimə qəbul edildi. Dediyimiz kimi, bu il üçün məqsədimiz - Azərbaycandan 40 nəfər IdealHub Mərkəzinin tələbəsini EPAM İT şirkətində işlə təmin etməkdir. EPAM kimi qlobal İT şirkətdə işə başlamaq - bu böyük nailiyyətdir.
- Təlim kimlər, hansı təşkilatların nümayəndələri tərəfindən aparılır və onlayn yoxsa canlıdır?
- Dərslər Amerikanın qlobal İT şirkəti olan EPAM müəllimləri tərəfindən tədris olunur. Həmin şirkətin dünyada minlərlə filialı və 60 mindən çox əməkdaşı var. EPAM İT şirkətinin mütəxəssisləri tərəfindən tədris olunan “Learn&Earn” proqramı müxtəlif platformalardan, testinq metodologiya və proqramçılar üçün olan təlimlərdən ibarətdir. Tədris hibrid formatında keçirilir. Mentorlar tez-tez Bakıya gəlib tələbələrlə vaxt keçirir və canlı şəkildə tədrisi davam edir. Qalan vaxtlar tədris onlayn şəkildə keçirilir.
- Hansı proqramlar və ya proqramlaşdırma dilləri tədris olunur?
- Tələbələr “Front-end developer” və “QA Engineer” istiqamətləri üzrə tədrisə vaxt itirmədən başlanılıb və 12 həftədən sonra yeni proqramçıları beynəlxalq EPAM İT şirkətində işlə təmin etməyə hazırlaşdırır. Yaxın gələcəkdə “Java developer” və tələbata görə digər istiqamətlər üzrə də EPAM şirkətinin mütəxəssisləri tərəfindən tədris təşkil olunacaq. Kurslara yazılmaq üçün mütəmadi olaraq “IdealHub” mərkəzinə yazılmaq müraciət etmək mümkündür.
- Artıq ilk qrup tədrisi başa vurub və iş təkliflçri alıb. Bu təkliflər hansı şirkətlərdən gəlib? İştirakçsıların neçəsi işlə təmin edilib?
- Bəli, kursumuzu bitirən tələbələr 12 həftə davam edən tədrisin sonunda, demək olar ki, dərhal xarici şirkətlərdən iş təklifi aldılar. Artıq keçən həftə ilk qrup üzrə tədris bitib, tələbələr məzun olublar və dərhal, həmin gün EPAM şirkəti kursu bitirənlərə iş təklifi edib.
Kursu müvəffəqiyyətlə bitirən tələbələrə Azərbaycanı tərk etmədən, dünya üzrə 60 mindən çox əməkdaşı olan Amerikanın qlobal <EPAM> şirkətində gələcək karyeralarını qurmaq imkanını yarandı.
“IdealHub” tərəfindən ilk məzunlar üçün sertifikatların təqdimat mərasimi keçirildi. Tədbirdə “IdealHub” Mərkəzi 99% məzununu 3 aylıq proqramlaşdırma kursunu bitirdikdən dərhal sonra «EPAM» IT şirkətində artıq işlə təmin olunduqlarını elan etdi. Bu ilin sentyabr ayın əvvəli artıq vaxt itirmədən tələbələrimiz Azərbaycanı tərk etmədən işə başlayırlar.
- Təklif edilən iş təkliflərində əmək haqqı hansı səviyyədədir? Təklif olunan işlər damidir, yoxsa, müvəqqəti işlərdir?
Kommersiya sirri olduğundan, məvaciblər EPAM şirkəti və tələbələrlə müqavilə əsasında bildirilir. İşlər təbiiki, hər şirkətdə olduğu kimi, işçinin çalışqanlığından asılı olaraq daimi olacaq. EPAM şirkətində olan məvaciblər isə dediyim kimi, kommersiya sirri olduğundan açıqlaya bilmərik, lakin beynəlxalq İT şirkətlərdə məvaciblərin məbləğini təqribən bilmək olar. Sadəcə onu qeyd edə bilərik ki, əmək bazarında bu sahədə ən kiçik mütəxəssisin əmək haqqı ilkin olaraq 500 ABŞ dollarından başlayır.
- Kursda təhsil haqqı nə qədər təşkil edir? İştirakçılar onun hanqsı hissəsçin ödəyirlər?
- Tədrisin aylıq qiyməti Azərbaycanda bazar qiymətlərindən aşağıdır, aylıq təqribən 100 manatdan başlayır. Dediyimiz kimi, işə qəbul ilə bağlı tam 100% təminat veririk. Tədrisi müvəffəqiyyətlə bitirmiş tələbə, lakin iş ilə təmin olunmadığı halda tədrisə verdiyi 50% ödənişi IdealHub qeri qaytarmağa hazırdır. Şəhid ailələrin üzvləri ümumiyyətlə IdealHub tərəfindən təmənnasız şəkildə tədris keçir. Gənc istedadlar üçün də, həmçinin, qrant tədris proqramı mütəmadi olaraq təşkil edilir.
- Tam öz hesabına maliyyələşdirmə ilə kursa qoşulmaq olarmı?
- Şəhid ailələrin üzvləri ümumiyyətlə IdealHub tərəfindən təmənnasız şəkildə tədris keçir. Gənc istedadlar üçün də, həmçinin, qrant tədris proqramı mütəmadi olaraq təşkil edilir.
- Yeni qrupun tədrisi nə vaxt başa çatacaq və gələcəkdə bu layihəyə digər İT şirkətləri də qolşula bilərmi?
- Ümumiyyətlə tədris 12 həftə davam edir, lakin tələbədən asılı olaraq bu daha tez və ya daha gec müddətində davam edər. Məsələn, bəzi tələbələrimiz üçün proqramı daha da yaxşı və dərindən öyrənmək üçün EPAM şirkəti “EPAM Lab” adlı proqram təşkil edir. Bu bir növ bir təcrübə proqramıdır və proqramı bitirdikdən dərhal sonra da tam məvacibli iş imkanları təşkil olunur.
- Bu kursları bitirən adam, təklif olunan işlərdən imtina edib özü başqa iş tapmaqda azaddırmı? Yəni kursu bitirdiyinə görə onuun üzərinə hər hansı öhdəlik qoyulurmu?
- IdealHub Azərbaycanı tərk etmədən, dünya üzrə 60 mindən çox əməkdaşı olan Amerikanın qlobal <EPAM> şirkətində gələcək karyeralarını qurmaq imkanını yaradır. Düşünmürük ki, kimsə bu fürsəti qoyub hər hansısa bir başqa İT şirkəti tərcih etsin. Amma sualınıza cavab olaraq bildirək ki, əlbəttə, tələbə tədrisdən sonra istənilən yerdə işləməkdə seçimdə azaddır.
- Gələcəkdə bu təlimlərin bölgələrdə də keçirilməsi gözlənilir – hansı böljələr olacaq və nə vaxtdan başlayır?
- Niyə də olmasın! Bölgələrdə İT sahəsini inkişaf etdirmək – qarşımızda qoyduğumuz məqsədlərdən ən önəmlisidir. Ystəlik yaxın vaxtlarda «IT-nin əlifbası»nı da öyrətməyə başlayacağıq.
