Son illər qurulan bazar iqtisadiyyatının təhsilə gətirdiyi yeniliklərdən biri də «Biznesin idarə edilməsi» ixtisasıdır.

Azərbaycan universitetlərində təhsil haqqı ən yüksək və ən aşağı olan ixtisaslar – SİYAHI, MƏBLƏĞLƏR

FED.az xəbər verir ki, hazırda dünyanın əksər universitetlərində tədris olunan bu ixtisasa demək olar ki, bütün qurumlarda böyük tələbat var, ən əsası «biznesin idarə olunması» ixtisasının həm iqtisadi, həm də maliyyə davamı mümkündür. Yəni bu ixtisasın məzunlarının təhsili davam etdirmək üçün geniş imkanları var.

Bu il xaricdə təhsil alacaq - 500 AZƏRBAYCANLI TƏLƏBƏ - TAM SİYAHI

Tətbiq sahəsinin də böyük olması onu universal ixtisasa çevirib və ona görə də tələbələrdə bu ixtisas böyük tələbat var.

Biznesin idarə edilməsi ixtisası Azərbaycanda o qədər populyarlaşıb ki, ilk baxışdan iqtisadi yönümü  olmayan universitetlər də bu «piroq»dan pay götürmək üçün «Biznesin idarə edilməsi» ixtisaslarını açıblar. Azərbaycanda bu ixtisas Azərbaycan və ingilis dillərində tədris olunur.

Bu il universitetlərdə hər 100 yerdən - 48-İ PULSUZ OLACAQ, QRUPLAR, SAYLAR

FED.az xəbər verir ki, ixtisas üzrə təhsil haqları universitetdən, təhsil alma formasından və tədris dilindən asılı olaraq fərqli ola bilər.

Azərbaycanda «biznesin idarə edilməsi» ixtisası üzrə ən yüksək təhsil haqqı ADA Universitetindədir. ADA Universitetində bu ixtisas üzrə ingilis dilində təhsil almaq illik 6 500 manata başa gəlir. Bu, ölkədəki digər universitetlərlə müqayisədə ən yüksək təhsil haqqıdır.

“AzerGold” ali məktəb tələbələri üçün növbəti Təqaüd proqramını elan edir

ADA Universitetindən sonra ikinci ən bahalı təhsil haqqı Bakı Ali Neft Məktəbindədir. Burada ingilis dilində biznesin idarə edilməsini öyrənmək üçün tələbələr 4 500 manat ödəməlidirlər.

«Xəzər» Universitetində isə təhsil haqqı dəyişkəndir, 0-4 500 manat arasında. Tələbənin təhsil haqqı onun qəbul imtahanında topladığı baldan asılı olaraq dəyişir. Qəbul balı 650 – 700 aralığında olan tələbə pulsuz təhsil almaq şansı əldə edir, 350 baldan aşağı toplayan tələbələrdən isə 4 500 manat təhsil haqqı tələb olunur.

Peşə məktəbində oxumaq istəyənlər - İKİQAT ARTIB– 88 MİN MÜRACİƏT

Digər universitetlərə gəldikdə, «Qərbi Kaspi» Universiteti biznesin idarə edilməsi ixtisası üzrə illik 3 900 manat tələb edir. Bakı Dövlət Universiteti bu ixtisas üzrə təhsil haqqı olaraq 3 000 manat tələb edir, bu da ölkə üzrə yüksək qiymətlərdən biridir.

Sözügedən ixtisas üzrə ən aşağı təhsil haqqı Azərbaycan Dövlət İqtisad Universitetinin Zaqatala filialında qeydə alınıb. Burada tələbələr biznesin idarə edilməsi ixtisası üzrə illik cəmi 1 400 manat ödəyirlər.

Daha 295 gənc dövlət hesabına - XARİCDƏ TƏHSİL ALACAQ

Eyni ixtisas üzrə Mingəçevir Dövlət Universitetində təhsil 1 500 manata, Sumqayıt Dövlət Universiteti və Lənkəran Dövlət Universitetində isə müvafiq olaraq 1 500 və 1 700 manata başa gələcək.

Rəqəmlər göstərir ki, ölkədə biznesin idarə edilməsi ixtisası üzrə təhsil haqları universitetdən asılı olaraq əhəmiyyətli dərəcədə fərqlənir. Tələbələr seçim edərkən həm universitetin nüfuzunu, həm də təhsil haqqını nəzərə almalıdırlar. ADA Universiteti kimi prestijli universitetlər daha yüksək təhsil haqları tələb etsə də, Zaqatala filialı kimi digər universitetlər daha əlverişli qiymətlərlə təhsil almaq imkanı təqdim edir.

BANM ali təhsil proqramlarının ixracına başlayır - AZƏRBAYCAN ALİ TƏHSİL SİSTEMİNDƏ İLK…

Daha detallı aşağıdakı cədvəldə :