Yeni il bayramı və 31 dekabr Dünya Azərbaycanlılarının Həmrəylik Günü ərəfəsində “OBA” marketlər şəbəkəsi alıcılarına bayram əhval-ruhiyyəsi və xoş sürprizlər bəxş etməyə davam edir.
FED.az xəbər verir ki, 29–31 dekabr tarixlərində OBA-da “Dəqiqənin Şanslı Qonşusu” adlı sevilən kampaniya yenidən həyata keçiriləcək.
Kampaniya çərçivəsində hər gün, gün ərzində hər dəqiqə bir müştəri təsadüfi seçim yolu ilə qalib elan ediləcək. Qalib seçilən müştərinin etdiyi alış-verişin məbləği OBA tərəfindən hədiyyə ediləcək və alış ödənişsiz hesab olunacaq. Beləliklə, minlərlə müştəri bayram bazarlığını “pulsuz bazarlıq” sevinci ilə həyata keçirmək şansı qazanacaq.
“Dəqiqənin Şanslı Qonşusu” kampaniyası OBA-nın illərdir davam etdirdiyi qonşuluq dəyərlərinə, paylaşım və yaxınlıq fəlsəfəsinə əsaslanır. Yeni il ərəfəsində bu layihə vasitəsilə OBA, müştərilərinə yalnız sərfəli alış deyil, həm də sevinc və bayram abu-havası yaşatmağı hədəfləyir.
Qeyd edək ki, kampaniya avtomatik sistem üzərindən həyata keçirilir. Qalib seçilən müştərinin çekində bu barədə xüsusi təbrik mesajı əks olunur və alış məbləği OBA tərəfindən tam şəkildə qarşılanır.
“OBA” marketlər şəbəkəsi hər il olduğu kimi bu il də bayram günlərində onşuya yaxın olmaq, paylaşmaq və sevindirmək missiyasını davam etdirərək minlərlə ailənin Yeni il sevincinə ortaq olur.
