Bu gün müharibə ilə bağlı 6300 şəhadətləndirilmiş vətəndaş olub. Şəhadətlənmə əlillik üçün yox, yüngül yaraya da verilir ki, ona birdəfəlik sosial sığorta ödənişi verilsin. Onlardan 4021 nəfərə əlillik təyin edilib. Meyarlar keçən il yumşaldıqdan sonra 1700-ə yaxın insanı əlavə olaraq əhatə etdik.
Deputat: "Gələn il əlilliyə görə pensiyanın orta aylıq məbləği 410 manata çatdırılacaq"
FED.az xəbər verir ki, bunu əmək və əhalinin sosial müdafiə naziri Sahil Babayev Milli Məclisin Əmək və sosial siyasət komitəsinin iclasında bildirib.
"Psixi xəstəliklərlə əlaqəli əlillik təyinatına gəlincə, 4021 nəfərin 43%-nə məhz kəllə-beyin travması və bunun nəticəsində yaranan psixi pozuntularla əlaqəli vermişik. Səhiyyə Nazirliyinin psixiatrları dəvət olunmuşdu və qazilər qəbul edildi. Ümumi əlillik təyinatının 43%-i məhz psixi pozuntularla bağlı olub. Psixi xəstəliklər üzrə əlavə 32 əlavə ağırlaşma dərəcəsi də müəyyən etmişdik. Bunun heç birinə uyğun gəlməyən insana, təbii ki, qanunvericiliyə zidd olaraq əlillik təyin edilə bilməz”, - deyə nazir bildirib. (Trend)
