Dərnəgül “Taxta bazarı”nda bugünlərdə 85 min manata yaxın malı yanan sahibkar Telman Mahmudov indi obyektini və satdığı malı sığorta etdirə bilmədiyini iddia edir.
“Taxta bazarı”nda yanğın olub - VİDEO
FED.az xəbər verir ki, o deyir ki, riskli olduğu üçün heç bir sığorta şirkəti mallarını sığortalamır.
Bəs belə riskli qruplarda çalışan sahibkarların mallarını s;ğortalatmaq üçün nə kimi hüquqları var?
Sığorta məsələləri üzrə ekspert Vüsal Bədəlov bildirir ki, bəzi bazarlarda obyektlər sığortalanmağa uyğun şərtlərə cavab vermir.
Onun sözlərinə görə, sığorta üçün riskli qrup deyilərkən mallar deyil, onların yerləşdiyi obyektlər, yanğınsöndürən balonların, su çənlərinin olmaması, yanğınsöndürənlərin əraziyə daxil olma imkanları nəzərə alınır.
Məsələ ilə bağlı Azərbaycan Sığortaçılar Assosiasiyasından bildirildi ki, vətəndaşların ilk növbədə sənədləri qaydasında olmalıdır. Həmçinin yanğın təhülkəsizlik qaydalarına riayət olunmalıdır. Bunlar olduğu halda sığorta şirkətləri ilə rahat şəkildə müqavilə bağlamaq mümkündür.
