“Atəşgah Sığorta” ASC bu ilin birinci rübündə 15 milyon 843 min manat gəlir əldə edib.

AtaSığorta müqavilələri Atəşgah Sığorta Şirkətinə ötürüldü

FED.az biznes və maliyyə xəbərləri portalı şirkətin hesabatına istinadən xəbər verir ki, bu dövrdə şirkətin xərcləri 15 milyon 439 min manat olub. Nəticədə şirkət birinci rübü 322 min 899 manat xalis mənfəətlə başa vurub.

Hesabat dövrünün sonunda ASC-nin aktivlərinin həcmi 64 milyon 310 min manat, öhdəliklərinin həcmi isə 46 milyon 786 min manat təşkil edib.

Cari ilin mart ayının sonuna “Atəşgah Sığorta”nın cəmi kapitalı 17 milyon 524 min manat olub. Bu, ötən ilin sonuna nəzərən 736 min manat və ya 4,4% çoxdur.