Azərbaycanın sığorta bazarının aparıcı iştirakçılarından olan «Atəşgah Həyat Sığorta» 2024-cü il üzrə maliyyə vəziyyətini açıqlayıb.
FED.az şirkətin hesabatına istinadən xəbər verir ki, sığorta şirkəti ötən ili 7 milyon 485 min manat xalis mənfəətlə başa vurub. Bu dövrdə şirkət 1 milyon 871 min manatdan çox mənfəət vergisi ödəyib.
2024-cü ildə “Atəşgah Sığorta”nın əsas əməliyyat gəlirləri 91 milyon 530 min manata bərabər olub. Əsas əməliyyat gəlirlərindən birbaşa 86,4 min manat, təkrarsığortaya verilmiş müqavilələr üzrə komissyon muzdlar üzrə gəlirlər 50,2 min manat təşkil edib.
Bundan başqa investisiya gəlirləri 6 milyon 111 min manat, sair gəlirlər 3,6 min manat, cəmi gəlirləri isə 77 milyon 570 min manat olub.
Əvvəlki illə müqayisədə əsas əməliyyat gəlirləri 19 milyon 826 min manat (27,6%), birbaşa sığorta üzrə sığorta haqları 19 milyon 774 min manat (27,6%), sığorta ödənişlərində təkrarsığortaçıların payı üzrə gəlirlər 68,1 min manat (4,7 dəfə), investisiya gəlirləri 1 milyon 819 min manat (42,4%), cəmi gəlirləri isə 29 milyon 346 min manat (60,9%) artıb.
Bu dövrdə əsas əməliyyat xərcləri 56 milyon 317 min manat, sığorta ödənişləri və sığorta məbləğləri üzrə xərclər 56 milyon 433 min manat, qaytarılan sığorta haqları üzrə xərclər 2 milyon 149 min manat, tənzimləmə xərcləri 2,8 min manat, təkrarsığortaya verilmiş sığorta haqları üzrə xərclər 1 milyon 35 min manat, işlərin aparılması xərcləri 10 milyon 222 min manat, sair xərclər 1 milyon 374 min manat, cəmi xərcləri isə 68 milyon 214 min manat təşkil edib.
Sığorta şirkətinin maliyyə mənfəəti isə 9 milyon 355 min manata bərabər olub.
“Atəşgah Sığorta” ötən il 126 milyon 266 min manat cəmi aktivlərə malik olub. Aktivlər son bir il ərzində 24 milyon 179 min manat (23,7%) artıb.
Sığorta şirkətinin öhdəlikləri 19 milyon 360 min manat (22,7%) artaraq 104 milyon 701 min manata, balans kapitalı isə 14 milyon 818 min manat (3,2 dəfə) artaraq 21 milyon 564 min manata yüksəlib.
Bölüşdürülməmiş mənfəətin həcmi 4 milyon 326 min manat (43,1%) artımla 14 milyon 366 min manata yüksəlib.
