2025-ci ildə Azərbaycanın regionlarında adambaşına düşən investisiya qoyuluşunun həcmində müşahidə olunan kəskin azalma dinamikası açıqlanıb.
- Adambaşına investisiyaların məbləğinin artıb-azaldığı - RAYONLARIN VƏ ŞƏHƏRLƏRİN BÖLGÜSÜ (2024/2025)
FED.az biznes və maliyyə xəbərləri portalı xəbər verir ki, əvvəlki illə müqayisədə bir sıra rayon və şəhərlərdə investisiya axınında ciddi geriləmə qeydə alınıb.
Adambaşına düşən investisiyanın azalması üzrə ən kəskin göstərici Yardımlı rayonunda müşahidə olunub; burada göstərici 270 manatdan 81 manata düşərək 189 manat, yəni 3,3 dəfə azalıb.
Tərtər rayonunda isə adambaşına düşən investisiya 1 036 manatdan 355 manata enərək 681 manat, başqa sözlə 2,9 dəfə geriləyib.
Laçın rayonunda 2 dəfəlik azalma ilə rəqəm 11 967 manatdan 5 907 manata (6 060 manatlıq azalma) düşüb. Şamaxı rayonunda da eyni templə – 2 dəfəlik geriləmə qeydə alınıb; burada göstərici 1 462 manatdan 727 manata (735 manatlıq azalma) enib.
Goranboy rayonunda isə investisiya 175 manatdan 82 manata düşərək 93 manat, yəni 2,1 dəfə azalıb.
Azalma dinamikası faiz nisbətləri ilə aşağıdakı kimidir:
Füzuli rayonunda adambaşına investisiya 2 042 manat və ya 49,5 faiz azalaraq 4 125 manatdan 2 083 manata düşüb.
Qazax rayonunda 75 manatlıq və ya 48,9 faizlik geriləmə ilə göstərici 153 manatdan 78 manata enib.
Şuşa rayonunda 14 310 manatlıq və ya 48,6 faizlik azalma ilə investisiya 29 446 manatdan 15 136 manata düşüb.
Mingəçevir şəhərində 1 931 manatlıq və ya 47,3 faizlik geriləmə ilə göstərici 4 081 manatdan 2 150 manata enib.
Qax rayonunda 65 manatlıq və ya 44,9 faizlik azalma ilə investisiya 144 manatdan 79 manata düşüb.
Siyahıda digər bölgələr üzrə azalma aşağıdakı kimidir: Samux rayonunda 214 manatlıq (44,1 faiz) və Şabran rayonunda 104 manatlıq (42,7 faiz) geriləmə qeydə alınıb.
