"Embafinans" Bank Olmayan Kredit Təşkilatı (BOKT) 2025-ci ilin ilk 6 ayının yekunlarına dair maliyyə hesabatını açıqlayıb.
BOKT-un faiz gəlirləri 10,1 milyon manat təşkil edib. Bu, ötən ilin eyni dövrü ilə müqayisədə 2,2 milyon manat (28,5%) artım deməkdir.
Bu artımın arxasında həm fiziki şəxslərə, həm də digər sahələrə verilən kreditlərin artması dayanıb. Şəxsi məqsədlər üçün verilən kreditlərdən əldə edilən gəlir 9,5 milyon manata yüksəlib ki, bu da illik 1,8 milyon manat (23,3%) artımdır.
Digər qeyri-istehsal və xidmət sahələrindən əldə edilən gəlir isə 627,8 min manat təşkil edərək 450,8 min manat (3,5 dəfə) artıb.
Hesabat dövründə faiz xərcləri 2,5 milyon manat olub. Bu da illik müqayisədə 772,5 min manat (43,7%) artımdır.
Xərclərin artımında əsas rolu banklardan cəlb olunan kreditlər oynayıb. Bu maddə üzrə xərc 2,2 milyon manat təşkil edərək 760,7 min manat (52,3%) artıb. Qiymətli kağızlar üzrə faiz xərcləri isə 324,3 min manat olub.
Nəticədə BOKT-un xalis faiz gəlirləri 7,6 milyon manata çatıb. Bu da illik 1,5 milyon manat (24,1%) artım deməkdir.
Şirkətin qeyri-faiz gəlirləri də kəskin artıb. Bu gəlirlər 2,7 milyon manat təşkil edib. Bu, ötən ilin eyni dövrü ilə müqayisədə 958,7 min manat (55,5%) çoxdur.
Hesabat dövründə qeyri-faiz xərcləri 4,6 milyon manat olub. Bu da illik müqayisədə 1,5 milyon manat (44,2%) artım deməkdir.
Mənfəətin azalmasının əsas səbəbi xərclərdəki artım olub. Qeyri-faiz xərcləri cəmi 4 milyon 631 min manat təşkil edib. Bu da illik 1 milyon 461 min manat (46,1%) artımdır.
Əmək haqqı və digər kompensasiyalar 2 milyon 50 min manata yüksələrək 381,0 min manat (22,8%) artıb.
BOKT-nin fəaliyyətində istifadə olunan əsas vəsaitlərlə bağlı xərclər 372,2 min manata çatıb.
Göstərilmiş xidmətlər üzrə haqqlar 732,1 min manat təşkil edib ki, bu da illik 67,5 min manat (10,1%) artımdır.
Bu amillərin birgə təsiri ilə əməliyyat mənfəəti 5,6 milyon manat olub. Bu da illik 972,0 min manat (20,8%) artımdır.
Hesabatın ən vacib dəyişikliyi isə kredit itkiləri üçün ehtiyat ayırmalarında baş verib. Şirkət bu məqsədlə 1 milyon 716 min manat vəsait ayırıb ki, bu da ötən ilə nisbətən 1 milyon 416 min manat və ya 5,8 dəfə çoxdur.
Nəticədə şirkətin vergidən əvvəlki mənfəəti 3 milyon 933 min manat təşkil edib. Bu da illik 445,0 min manat (10,1%) azalmadır.
Mənfəət vergisi xərci 786,6 min manat olub. Bu da illik 88,8 min manat (10,1%) azalmadır.
Bütün bunların yekununda, “Embafinans” 2025-ci ilin ilk yarısını 3 milyon 146 min manat xalis mənfəətlə başa vurub. Bu, ötən ilin nəticəsindən 355,0 min manat və ya 10,2% azdır.
Şirkətin aktivlərinin cəmi 79,4 milyon manata çatıb. Bu, ötən ilin eyni dövrü ilə müqayisədə 16,0 milyon manat (25,3%) artımdır.
Böyümənin əsas səbəbi kredit portfelinin kəskin artmasıdır. Müştərilərə verilən kreditlərin ümumi həcmi 67,8 milyon manata yüksəlib. Bu, ötən ilin eyni dövrü ilə müqayisədə 15,2 milyon manat (28,9%) artım deməkdir.
Kreditlər üzrə mümkün zərərlərə qarşı yaradılan ehtiyat 2,4 milyon manat təşkil edib. Bu da illik 504,3 min manat (26,0%) artımdır.
Nəticədə şirkətin xalis kredit portfeli 65,3 milyon manata yüksələrək 14,7 milyon manat (29,1%) artıb.
Aktivlərin artımını təmin edən digər amil nağd vəsaitlər və hesab qalıqlarıdır. Bu maddə 1 milyon 39 min manata yüksələrək 380,0 min manat (57,6%) artıb.
Bu artımlar fonunda, şirkətin əsas vəsaitləri 3,7 milyon manata enib. Bu isə illik 211,3 min manat (5,5%) azalmadır.
Aktivlərin artması tamamilə borc və kapital hesabına maliyyələşdirilib. Öhdəliklərin cəmi 53,4 milyon manata yüksəlib. Bu da illik 11,9 milyon manat (28,8%) artımdır.
Bu artımın əsas drayveri cəlb edilmiş vəsaitlərin 38,9 milyon manata çataraq 14,0 milyon manat (56,2%) artması olub.
Bankların kreditləri 38,8 milyon manata yüksələrək 14,0 milyon manat (56,4%) artıb.
Digər maliyyə institutlarının kreditləri isə 27,5 min manat olub.
Qiymətli kağızlar üzrə öhdəliklər 5,5 milyon manata enərək 1,0 milyon manat (15,4%) azalıb.
Digər öhdəliklər isə 9,0 milyon manat olub.
Kapitalın cəmi 26,0 milyon manata yüksəlib. Bu isə son bir ildə 4,0 milyon manat (18,3%) artımdır.
Nizamnamə kapitalı 10,0 milyon manat səviyyəsində dəyişməz qalıb.
Bölüşdürülmüş mənfəət 16,0 milyon manata yaxınlaşıb. Bu da illik 4,0 milyon manat (34,3%) artımdır.
