14 avqust 2019 11:30

Kanada şirkəti Azərbaycanda daha bir quyuda qazma əməliyyatına başlayıb

Kanadanın “Zenith Energy LTD” şirkəti Azərbaycanın quruda yerləşən "Cəfərli" neft yatağındakı C-37 quyusunda qazma əməliyyatlarına başlayıb.

FED.az xəbər verir ki, bu barədə şirkət məlumat yayıb.

Qeyd edək ki, 2016-cı il martın 16-da Bakıda SOCAR və “Zenith Aran Oil Company Ltd.” şirkətləri arasında “Muradxanlı-Cəfərli-Zərdab” neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında (PSA) saziş imzalanıb. Saziş Azərbaycan Milli Məclisi tərəfindən 2016-cı il iyunun 14-də ratifikasiya olunub. Yataqlardan hasilat 2016-cı il avqustun 11-də başlanıb.

“Zenith” şirkəti 80%-lik, bütünlükdə SOCAR-a məxsus ortaq neft şirkəti isə 20%-lik iştirak payına malikdir. Saziş 25 il müddətində qüvvədə olacaq, sazişin əlavə olaraq 5 il uzadılması ehtimalı da nəzərə alınıb. Yataqların ümumi sahəsi 642,4 kv. km ərazini əhatə edir.

Paylaş
Mənbə

Şərhlər

Şərh yoxdur

Cavab yaz