09 avqust 2019 16:58

Birinci dəfə xəbərdarlıqdır, sonra sanksiya - VERGİ YOXLAMASI

Son 2 həftə ərzində Vergilər Nazirliyi operativ vergi nəzarəti tədbirləri həyata keçirir. FED.az xəbər verir ki, bu nəzarət tədbirlərinin məqsədi dövriyyənin gizlədilməsi məqsədilə kassa aparatlarından istifadə edilməməsi hallarını aşkar etmək və əmək müqaviləsi olmayan işçilərin müəyyən edilməsidir. Bu funksiya vergi orqanlarına Vergi Məcəlləsi ilə verilmiş hüquqdur.
Eləcə də bax:Nazir müavini dəniz ətrafındakı restoran sahiblərinə - MÜRACİƏT ETDİ

Vergi eksperti Vəli Əliyev bildirir ki, Vergilər Nazirliyinin üzərinə Vergi Məcəlləsi müəyyən vəzifələr də qoymuşdur. Bu vəzifələrdən biri də Vergi ödəyicilərinin hüquqlarını və qanuni mənafelərini gözləmək və müdafiə etməkdir. Yəni vergi ödəyicisinin qanunla qorunan hüquq və mənafelərini məhz Vergilər Nazirliyi müdafiə etməlidir. Yuxarıda deyildiyi kimi Vergilər Nazirliyi tərəfindən keçirilən operativ nəzarət tədbirləri fonunda vergi ödəyicilərinin bilməsi lazım olan məqamı xatırlatmaq vacibdir.

2019-cu ildə kassa çekinin təqdim edilməməsi və əmək müqaviləsi bağlanılmaması faktı aşkarlanıbsa və bu qanun pozuntusuna 2019-cu ilin yanvarın 1-dən başlayaraq bir il müddətində birinci dəfə yol verilibsə maliyyə sanksiyası tətbiq olunmur. Belə hal ilk dəfə aşkar ediləndə vergi orqanı bu barədə sahibkara rəsmi yazılı xəbərdarlıq edir. Bu hal il ərzində təkrarlandığı halda isə maliyyə sanksiyaları başlayır. Sanksiyaların məbləği 1-ci dəfə üçün 2 min manat, 2-ci dəəfə üçün 4 min manat, 3-cü dəfə üçün isə 6 min manatdır.

Mühüm məqam ondan ibarətdir ki, işçilərin müqaviləsiz işləməsi ilə bağlı ikinci hal aşkar edilsə onda göstərilən sanksiyalar hər bir işçi üçün tətbiq ediləcək. Məsələn, yoxlama zamanı sahibkarın 3 işçisinin müqaviləsiz çalışdığı aşkar olunsa, hər işçiyə görə, 2 min manat olmaqla 6 min manat, 3-cü dəfə olduqda isə hər işçiyə görə 4 min manat olmaqla 12 min manat sanksiya tətbiq edilir.

Paylaş

Şərhlər

Şərh yoxdur

Cavab yaz