03 avqust 2019 12:51

UNEC ABŞ-ın Linkoln Universiteti ilə - İKİLİ DİPLOM PROQRAMINA BAŞLAYIR

Azərbaycan Dövlət İqtisad Universitetinin (UNEC) magistrləri yeni tədris ilindən ABŞ-ın Linkoln Universiteti ilə ikili diplom proqramına qoşula biləcəklər. Bununla bağlı UNEC ilə Linkoln Universiteti arasında razılıq əldə olunub.

FED.az xəbər verir ki, proqram çərçivəsində magistrlərə, həmçinin bir il müddətində ABŞ-da lisenziya ilə işləmək şansı yaradılacaq.

Qeyd edək ki, UNEC-də dünyanın nüfuzlu ali məktəbləri ilə müxtəlif ikili diplom proqramları həyata keçirilir. Hazırda Litvanın Mikolas Romeris, Türkiyənin Uludağ və Süleyman Dəmirəl, Fransanın ICD Paris Biznes Məktəbi və Monpelye universitetləri ilə ikili diplom proqramları reallaşdırılır. “UNEC 100” strategiyasına uyğun olaraq bu proqramların sayının yaxın illərdə daha da artırılması nəzərdə tutulur. İkili diplom proqramları ilə yanaşı, müxtəlif xarici ali təhsil müəssisələri ilə tələbə mübadilələri də həyata keçirilir.

Paylaş
Mənbə

Şərhlər

Şərh yoxdur

Cavab yaz