07 iyun 2019 14:51

Mayda cənub bölgəsində 6 minə yaxın - TURİST GƏLİB

Ölkəmizin cənub bölgəsində fəaliyyət göstərən turizm obyektləri və istirahət mərkəzləri adətən may ayının sonları və iyun ayının əvvəllərindən etibarən daha çox turist qəbul edirlər.

Eləcə də bax: Dövlət Turizm Agentliyi AZAL-ın biletlərinin - BAHA OLMASINDAN DANIŞIB

Bu ilki yay turizm mövsümü ərəfəsində cənub bölgəsində havaların isti keçməsi turizm obyektlərinə turist axınına səbəb olub.

Həm turizm obyektlərində, həm də dənizkənarı çimərliklərə üz tutanların sayı ötən ilin mövsümü ilə müqayisədə xeyli artıb.

May ayında cənub bölgəsinə 6 minə yaxın turist gəlib.

Ramazan bayramı günlərində isə təkcə Lənkəran rayonunda 2 min turist dincəlib.

Ölkəmizə gələn turistlərin ilk üz tutduğu yerlərdən biri də Lerikdir. Rayon füsunkar təbiəti, gəzməli və görməli məkanları ilə insanı valeh edir.

Lerik bir tərəfdən meşəlik, digər tərəfdən dağlarla əhatə olunduğundan, turizm potensialı yüksək qiymətləndirilir. Əsasən Avropa ölkələrindən buraya gələn turistlər arasında flora və faunaya maraq göstərənlər çoxdur.

Ələt-Astara magistral yolunun istifadəyə verilməsi də turistlərin gəlişinə müsbət təsir göstərib.

Bir çox turizm obyektləri qiymətlər sabit qalmaq şərti ilə əlavə turlar da təşkil edir. İstirahətin bir günlük qiyməti isə komfortundan asılı olaraq dəyişir. Artıq sifarişlərin qəbuluna başlanılıb.

Növbəti aylarda da cənub bölgəsinə yerli və xarici turistlərin sayının artması gözlənilir.

Paylaş
Mənbə

Şərhlər

Şərh yoxdur

Cavab yaz