Avropa Yenidənqurma və İnkişaf Bankı (AYİB, EBRD) Qafqazın ən böyük avtomobil distribütor şirkəti olan Tegeta Motorsa Gürcüstan və geniş regionda avtomobil sənayesinin transformasiyasını dəstəkləmək məqsədilə 25 milyon avro kredit ayırır.
Avropa bankı Azərbaycana 100 milyon dollar ayrılmasını təsdiqləyib
FED.az xəbər verir ki, bu barədə AYİB məlumat yayıb.
Maliyyələşdirmə, Tegeta-nın Tbilisidə GEZI gömrük zonası yaxınlığında yeni xidmət mərkəzinin genişləndirilməsini dəstəkləyəcək. Tbilisi ətrafı yolda, Gürcüstanın Şərq-Qərb koridorunun əsas bağlantısı üzərində yerləşən obyekt, eyni anda 30-dan çox iri avtomobili xidmət göstərə biləcək və Tegeta-nın xidmət imkanlarını əhəmiyyətli dərəcədə artıracaq. Tegeta layihəyə əlavə olaraq 7 milyon avro vəsait ayıracaq.
Kreditlə yanaşı, EBRD iki texniki əməkdaşlıq proqramı həyata keçirəcək: biri beynəlxalq standartlara uyğun peşə təhsili təşəbbüslərini inkişaf etdirmək üçün, digəri isə Tegeta Motors-un idarəetmə strukturlarını gücləndirmək məqsədilə geniş korporativ idarəetmə fəaliyyət planı yaratmaq üçün nəzərdə tutulub.
Müqavilə Tegeta-nın GEZI xidmət mərkəzində imzalanıb. İmzalama mərasimində EBRD-nin Qafqaz üzrə Regional Direktoru Alkis Vryenios Drakinos və Tegeta Motors-un baş icraçı direktoru Ekaterine Kavtaradze iştirak edib.
Hazırkı vaxta qədər EBRD Gürcüstanın maliyyə, korporativ, infrastruktur və enerji sektorlarında 316 layihəyə 5,7 milyard avrodan çox sərmayə yatırıb. Bu investisiyaların 84%-i özəl sektorda həyata keçirilib.
Qeyd edək ki, Azərbaycanda “Tegeta Motors Baku” adlı şirkət də fəaliyyət göstərir. “Tegeta Motors Baku” Azərbaycanda “Bridgestone” şinlərinin rəsmi distribütorudur. Şirkət minik, yüngül kommersiya və yük avtomobilləri üçün geniş çeşiddə şinlər, həmçinin peşəkar texniki dəstək və servis xidməti təklif edir. “Tegeta Motors Baku” şirkəti texnikalar, sürtkü yağları, akkumulyator, ehtiyat hissələri, servis avadanlıqları və digər məhsulları da təklif edir. (Marja)
