Prezident yanında Antiinhisar və İstehlak Bazarlarına Nəzarət Dövlət Agentliyi İstehlak bazarına nəzarət və istehlakçı hüquqlarının müdafiəsi sahəsində tərtib edilmiş protokollara dair məlumat yayıb. 

"Grand-Mart"da alıcılar aldadılır - AGENTLİK PROTOKOL TƏRTİB ETDİ

FED.az məlumata istinadən xəbər verir ki, 11 şirkət və fərdi sahibkar barəsində inzibati xəta haqqında protokol tərtib edilib. 

Bekğlə ki, fiziki şəxs İbrahimova Vüsalə Vaqif qızı, “Azerbaijan Technologies” Firması, F/ş Əfəndiyev Əmrah Camaldin oğlu,  “Bazarstore” MMC, “ANC Group" MMC (Rahat Market), “Embawood” MMC, "Grand-Mart" MMC, fiziki şəxs Əli-zadə Gündüz Vüqar oğlu və "Zeytun Pharmaceuticals" MMC  barəsində inzibati xəta haqqında protokol tərtib edilib. 

İnzibati xətanın mahiyyəti - qüsurlu malın dəyişdirilməsi və ya qaytarılmasından imtina edilməsi, zəmanət talonuna qanunvericiliklə nəzərdə tutulmuş hüquqlarla müqayisədə istehlakçıların hüquqlarını məhdudlaşdıran şərtlərin daxil edilməsi, menyunun qanunvericiliyin tələblərinə uyğun tərtib olunmaması və istehlakçıların aldadılması, qida məhsulunun üzərində göstərilmiş qiymətdən baha satılması, qüsurlu malın geri qaytarılmasından imtina edilməsi və istehlakçı ilə bağlanmış müqaviləyə qanunvericiliklə nəzərdə tutulmuş hüquqlarla müqayisədə istehlakçıların hüquqlarını məhdudlaşdıran şərtlər daxil edilməsi, dərman vasitəsi Tarif (qiymət) Şurası tərəfindən təsdiq edilmiş pərakəndə satış qiymətinin yuxarı həddindən baha satılması olmuşdur. 

İstehlakçı hüquqlarının müdafiəsi və İstehlak bazarına nəzarət şöbələri tərəfindən 2025-ci ilin yanvar-mart ayları ərzində tərtib olunmuş inzibati xəta haqqında protokollara dair məlumat