Lənkərandakı Konserv zavodlarının işi çətinə düşüb. Məhsul azlığından tam gücü il işləyə bilməyən emal müəssisələri belə getsə ciddi ziyanla üzləşəcəklər.
FED.az xəbər verir ki, feyxoa məhsulunun azlığı səbəbindən bu il Lənkərandakı zavodları demək olar ki tam gücü ilə işləyə bilmir. nəticədəd də k bankalrının yarısı demək olar ki boş qalıb.
Qafar Qurbanov Konserv Zavodunun tədarük müdiri: “Gündəlik emal 10 tondur. Amma biz heç 5 ton da yığa bilmirik. Bəzən elə olur 2 ton olur. Məcburi istehsal dayanır”
Nəticədə də payız-qış fəslində əsasən subtropik meyvə olan feyxoa hesabına fəaliyyətini davam etdirən zavodlar ziyanla işləyir. Həm yerli, həm də xarici bazarlara məhsul çıxaran zavodlar tələbatı nəzərə alaraq ötən il istehsalın həcmini 2 dəfə artırıblar. Amma ümidləri boşa çıxıb.
Cavid Aslanov, Koserv zavodunun istehsalat rəisi:“Xətt sayımızı da, xammal tələbatımızı da 2 dəfə artırdıq. Günlük tələbatımız 15-20 ton arasındadır. 1 miqdar 15-20 ton aldıq. Amma hazırda feyxoa azalıb. Az miqdar daxil olduğu üçün bizdə də boşdayanmalar olur”
Konserv Zavodunun tədarük müdiri Qafar Qurbanov: “Hər il davam edirdi noyabrın axırı, dekabrın əvvəli hətta 5-10 günədək çəkirdi. Amma bu il artıq feyxoa tükənib, demək olar ki, yoxdur. Gündəlik 300-400 kq yığa bilmirik.”
Təsərrüfatçılar isə bildirir ki, yayda və payız fəslinin ilk ayında havaların əlverişsiz keçməsi məhsuldarlığa təsir etdi. Ona görə də əvvəlki illərlə müqayisədə az məhsul toplaya biliblər.
Təsərrüfat sahibi Vahid Qubadov: “Keçən il götürmüşdük 7-8 ton. Quraq olduğuna görə 70-80 kiloqram məhsul verirdi. Hər ağacdan bu il 50 faizdir. Oktyabrın əvvəlində dağlara qar yağması nəticəsində məhsuldarlıq bir az da aşağı düşdü”.
Daha sərfəli olduğundan iri feyxoanı Rusiyaya daşıyaraq iş adamlarına satan təsərrüfatçılar zavodlara yalnız xırda məhsulun bir qismini təhvil veriblər. Hazırda çox az təsərrüfatlarda xırda məhsulun yığımı davam edir.
Qafar Qurbanov Konserv Zavodunun tədarük müdiri: “Biz onların ünvanlarını bilsək müraciət etsələr biz onların hətta qapılarından da yığa bilərik .Hazırda orta ölçülü feyxoanı 45-50 qəpik civarında qəbul edirik.Yerində də elə həmin qiymətə götürərik”
Cavid Aslanov-Koserv zavodunun istehsalat rəisi:“Bizim zavodumuz hazırda feyxoa alımını davam etdirir. Ehtiyacımız da var. Birbaşa özləri gətirsələr onlar üçün daha sərfəli olar”
Lənkəranda 487 ha sahədə feyxoa bağları mövcuddur. Bu bağlardan il ərzində hər hektardan 6 tondan çox feyxoa yığılır.
© ARB
