Banner

İnşaat və əmlak

Tikinti icazələrindəki dəyişikliklər - AÇIQLANIB

Tikinti icazələrindəki dəyişikliklər - AÇIQLANIB | FED.az
16:27 24 Yan 2019

Prezident İlham Əliyevin tikintiyə icazə verilməsi üzrə vahid yanaşma prinsipinin formalaşdırılması ilə səmərəliliyin və şəffaflığın artırılması məqsədilə ilə imzaladığı fərmana əsasən, “Bəzi tikinti obyektlərinə tikintiyə icazə və tikinti obyektinin istismarına icazə verilməsi Qaydası” təsdiq edilib. 

FED.az xəbər verir ki, bu barədə İqtisadi İslahatların Təhlili və Kommunikasiya Mərkəzində Dövlət Şəhərsalma və Arxitektura Komitəsiilə birgə keçirilən "Tikinti obyektlərinin tikintisi və istismarına icazələrin verilməsi üzrə aparılmış islahatların tikinti şirkətlərinə kommunikasiya" mövzusunda keçirilən seminarda bildirilib. 

Yeni qayda üzrə müəyyən olunan əsas prinsiplər ayrı-ayrı prosedurların xüsusiyyətlərini və hər bir prosedur üzrə günlərin sayını optimallaşdırmaq, tikinti fəaliyyəti sahəsində sahibkar üçün əlverişli mühit formalaşdırmaq və dövlət-biznes münasibətlərində insan amilinin rolunun azaldılması ilə səmərəli idarəçiliyin təşkilini təmin etməkdir.

Müzakirə zamanı bildirilib ki, yeni kompleks biznes islahatı tədbirlərinə uyğun olaraq biznes mühiti və beynəlxalq reytinqlər üzrə Komissiyanın nəzdində yaradılan və əlaqədar qurumların nümayəndələrinin təmsil olunduğu işçi qrupunun mütəmadi görüşləri də təşkil olunur. Eyni zamanda aidiyyəti qurumların təlimləri həyata keçirilir.

ELƏCƏ DƏ BAX: Sosial mənzilləri nağd alanlar üçün əlavə – SATIŞ ELAN OLUNACAQ

Tikinti şirkətləri ilə görüş zamanı da bildirilib ki, yeni qaydalara əsasən, tikintiyə və tikinti obyektinin istismarına icazə ödənişsiz şəkildə aparılır, tikintiyə icazə alınması istiqamətində bütün aidiyyəti qurumlardan rəylər və texniki şərtlərin alınması tam olaraq sahibkarın iştirakı olmadan elektron qaydada həyata keçirilir. Eyni zamanda tikintiyə və istismara icazənin əldə olunması üzrə sahibkarın keçməli olduğu tələb olunan prosedurların və günlərin sayı azaldılmaqla, sahibkarlar üçün daha operativ, şəffaf və səmərəli mühit formalaşdırılır.

Əlavə edək ki, Azərbaycan Respublikası Prezidenti İlham Əliyev tərəfindən həyata keçirilən kompleks biznes islahatı tədbirlərindən biri kimi qeyd olunan tikinti sahəsində həyata keçirilən islahatlar, “Milli İqtisadiyyat və iqtisadiyyatın əsas sektorları üzrə Strateji Yol Xəritə”si üzrə nəzərdə tutulan prioritetlərin həyata keçirilməsi istiqamətində mühüm əhəmiyyət kəsb edərək biznes mühitinin və azad rəqabət mexanizminin inkişaf etdirilməsinə, ölkənin beynəlxalq reytinq qiymətləndirmələrində mövqeyinin irəliləməsinə şərait yaradacağı gözlənilir.

Digər xəbərlər

Banner