İqtisadi məsləhətlər və audit şirkət Deloitte tərəfindən yayımlanan "2025 Futbol Pul Liqası" araşdırmasına görə, oyun günü gəlirləri (2,4 milyard avro), yayım gəlirləri (4,7 milyard avro) və kommersiya gəlirləri (5,3 milyard avro) rekord səviyyəyə yüksəlib. Kommersiya gəlirləri isə 5 milyard avronu aşan ilk gəlir kateqoriyası olub.
“Qarabağ” bir gecəyə neçə milyon qazandı?
FED.az biznes və maliyyə xəbərləri portalı xəbər verir ki, İspaniya təmsilçisi “Real Madrid”, 2023–2024 mövsümündə əldə etdiyi gəlirlə illik 1 milyard avro həddini keçən ilk klub olduqdan sonra, bu mövsüm də 11 faiz artımla təxminən 1,2 milyard avro gəlir əldə edib.
“Real Madrid” ardıcıl iki il 1 milyard avrodan çox gəlir əldə edən yeganə futbol klubu ünvanını qoruyub. Klubun oyun günü gəlirlərində 6 faizlik azalma qeydə alınsa da, məhsul satışları və yeni kommersiya tərəfdaşları hesabına kommersiya gəlirlərində 23 faizlik artım baş verib.
Ən çox qazanan klublar
Mövsümün ən çox gəlir əldə edən klubları siyahısında digər bir İspaniya təmsilçisi “Barcelona” 974,8 milyon avro ilə ikinci, Almaniya Bundesliqasından “Bayern Münhen” isə 860,6 milyon avro ilə üçüncü sırada yer alıb.
Klubların gəlir siyahısı (avro ilə)
Real Madrid – 1 milyard 161 milyon € avro
Barcelona – 974,8 milyon avro
Bayern Münhen – 860,6 milyon avro
Paris Saint-Germain – 837 milyon avro
Liverpool – 836,1 milyon avro
Manchester City – 829,3 milyon avro
Arsenal – 821,7 milyon avro
Manchester United – 793,1 milyon avro
Tottenham – 672,6 milyon avro
Chelsea – 584,1 milyon avro
Inter – 537,5 milyon avro
Borussia Dortmund – 531,3 milyon avro
Atletico Madrid – 454,5 milyon avro
Aston Villa – 450,2 milyon avro
Milan – 410,4 milyon avro
Juventus – 401,7 milyon avro
Newcastle United – 398,4 milyon avro
Stuttgart – 296,3 milyon avro
Benfica – 283,4 milyon avro
West Ham United – 276 milyon avro
İlk 20-də yer alan klubların liqa və ölkə üzrə bölgüsü
Premier Liqa (İngiltərə) – 9 klub
LaLiga (İspaniya) – 3 klub
Bundesliqa (Almaniya) – 3 klub
Serie A (İtaliya) – 3 klub
Ligue 1 (Fransa) – 1 klub
Primeira Liqa (Portuqaliya) – 1 klub (Marja)
