İsrailin zərbələri nəticəsində İranın daha üç nüvə alimi öldürülüb.
FED.az xəbər verir ki, bu barədə İran Dövlət Yayım Şirkəti məlumat yayıb.
Məlumata görə, iranlı nüvə fizikləri Əli Bəkai Kərimi, Mənsur Əsgəri və Səid Borci İsrailin İslam Respublikasına endirdiyi zərbələr nəticəsində həlak olublar.
Qeyd edək ki, hücumun ilk günündə 6 nüvə alimi ölmüşdü.
Xatırladaq ki, zərbələr nəticəsində İsrail 20-dən çox İran komandirinin öldürüldüyünü də açıqlayıb. İsrailin zərbələrində Kəşfiyyat İdarəsinin rəisi və İran İnqilabı Keşikçiləri Korpusunun “yer-yer” raket kompleksinin komandiri də daxil olmaqla 20-dən çox İran komandiri öldürülüb:
“Əməliyyat başlayandan İran rejiminin təhlükəsizlik aparatında olan 20-dən çox komandir məhv edilib. Qulam-Rza Mərhəbi İran Silahlı Qüvvələri üçün kəşfiyyat vəziyyətinin qiymətləndirilməsinə cavabdeh idi və İranın ən yüksək səviyyəli kəşfiyyat zabiti sayılırdı. Marhabi son bir ildə və ondan əvvəl kəşfiyyat qiymətləndirmələri, əməliyyat planlaması və İsrailə qarşı döyüş hazırlıqlarında əsas rol oynayıb. O, həmçinin İran Silahlı Qüvvələrinin Baş Qərargah rəisi Məhəmməd Hüseyn Baqirinin yaxın adamı idi”.
