Azərbaycanda açıqa havada reklam yerləşdirilməsinə icazə verilməsi üçün tutulan dövlət rüsumu dəyişdirilir. 

FED.az xəbər verir ki, bu hazırda Milli Məclisdə müzakirə olunan «Dövlət rüsumu haqqında» qanuna dəyişiklikdə nəzərdə tutulur.

Qanunun 33-1-ci maddəsinə ediləcək - hansı ki, açıq havada reklam yerləşdirilməsinə icazəyə görə rüsumları əhatə edir – dəyişikliklər nəticəsində təkcə rüsumların məbləğinə deyil, onların yığılması tezliyinə və hesablanması qaydasına da aiddir. Belə ki, Qanunun hazırda qüvvədə olan 33-1-ci maddəsinə əsasən, açıq məkanda reklam yerləşdirilməsinə icazə verilməsi üçün tutulan dövlət rüsumunun məbləği reklamın 1 kvadratmetrinə görə 5-100 manat arasında dəyişir. Bu məbləğ bütün açıq hava reklamlarına aiddir.

2022-ci ildən isə reklam icazəsi üçün rüsumlar yeni qayda ilə hesablanacaq. Fərdi layihələr əsasında hazırlanmış reklam qurğularının hər kvadratmetrinə icazə rüsumu 100 manat olacaq.

Elektron reklamlarda kvadratmetrə görə 50 manatdan başlayır, reklamın sahəsi artdıqca hər kvadrata düşən məbləğ azalır. Belə ki, sahə 20 kvm-ə qədər olduqda kvadratmetrin qiyməti 50 manat, 50 kvm-ə qədər olduqda 20-dən artıq sahə üçün 15 manat, 100 kvm-a qədər olduqda 10 manat, 100 kvm-dən artıq sahələr üçün isə 5 manat nəzərdə tutulub.

Hərəkətsiz daşıyıcılar, məsələn transparant, körpüüstü reklam, bilbord və sairlərdə 1 kvadratmetrin qiyməti 10-20 manat arasında dəyişəcək.

Reklamın yerləşdirilməsinə verilən icazə və ona görə ödənilən rüsum 1 illik dövrü əhatə edir, növbəti il üçün icazə yenidən alınmalı və yenidən rüsum ödənilməlidir. Bundan başqa, icazə alındığı dövrdə reklamın lisenziyalaşdırılan və ya sertifikatlaşdırılan yeni əmtəələrin reklamı yerləşdirilsə, yenidən icazə alınmalı və ödəniş edilməlidir. İcazə müddəti 1 ildən az olduqda, icazə xərci – rəklamın qüvvədə olacağı ayların sayına bölünür və həmin müddətə hesablanır.

Digər tərəfdən, hər hansı obyektin giriş hissəsində və ya fasadında (divarında, hasarında) yerləşdirilən və həmin obyektlərin adını, mənsubiyyətini, fəaliyyət növünü, ünvanını və iş rejimini istehlakçıya çatdıran, ölçüsü 1 kvadratmetrdən artıq olan lövhəyə (yazıya) görə dövlət rüsumu onun ümumi ölçüsünə uyğun ödənilir.

Reklam üçün icazə rüsumunun məbləği ölkənin regionları üzrə fərqlənəcək. Yuxarıda yazıda və aşağıda cədvəldə göstərilən rəqəmlər Bakı şəhəri üçün nəzərdə tutulub. Ölkə üzrə isə rüsuma görə, xüsusi əmsallar müəyyən edilib və regionlarda qiymət daha ucuzdur. Əmsallar Bakı şəhəri üzrə - 1; Gəncə, Sumqayıt və Xırdalan şəhərləri üzrə - 0,8; Abşeron rayonunun qəsəbə və kəndləri (Xırdalan şəhəri istisna olmaqla), Mingəçevir, Şirvan, Lənkəran, Yevlax, Şəki, Qəbələ, Quba, Naftalan şəhərləri və Xaçmaz rayonunun Nabran qəsəbəsi üzrə - 0,7; digər şəhər (rayon), qəsəbə və kənd üzrə - 0,5 nəzərdə tutulub. 

Dövlət Reklam Agentliyindən FED.az-a bildirilib ki, dəyişikliklərin səbəbi, indiyədək fərqli sənədlərlə tənzimlənən reklam rüsumlarının qanuna əlavə edilməsidir. Bundan başqa, hazırda reklam bazarında ehtiyacın ən çox olduğu elektron monitorlarda reklam rüsumları azalan tariflə hesablanıb.  

Açıq məkanda reklam yerləşdirilməsinə icazə verilməsi üçün tutulan dövlət rüsumunun dərəcələri 

Bu ilin sonunadək

2022-ci ildən etibarən