2020-ci ilin yanvar-mart ayları ərzində statistik vahidlərin (fərdi sahibkarlar istisna olmaqla) sayı 1,9 faiz artaraq 2020-ci il aprelin 1-i vəziyyətinə 149 min 51 olmuşdur.
FED.az Dövlət Statistika Komitəsinin aylıq hesabatına istinadən xəbər verir ki, yanvar-mart ayları ərzində 2952 statistik vahid (kommersiya təşkilatı) yaradılıb, 134 vahid isə ləğv edilib.
Eləcə də bax: ABŞ-ın "Chevron" şirkəti Azərbaycandakı - AKTİVLƏRİNİ SATIB
İlk 3 ayda 751 xaricimüəssisə(100% xarici investisiyalı) yaradılıb, 21-i isə ləğv edilib.
Artım iqtisadiyyatın “Turistlərin yerləşdirilməsi və ictimai iaşə”, “İnzibati və yardımçı xidmətlərin göstərilməsi”, “Əhaliyə səhiyyə və sosial xidmətlərin göstərilməsi”, “Nəqliyyat və anbar təsərrüfatı”, “Daşınmaz əmlakla əlaqədar əməliyyatlar”, “Ticarət; nəqliyyat vasitələrinin təmiri”, “İnformasiya və rabitə” və “Peşə, elmi və texniki fəaliyyət” sahələrində nəzərəçarpacaq dərəcədə olmuşdur.
2020-ci ilin yanvar-mart ayları ərzində yeni yaradılmış statistik vahidlərin 97,4 faizi xüsusi mülkiyyətli (o cümlədən 25,4 faizi tam xarici investisiyalı, 2,2 faizi birgə mülkiyyətli), 2,6 faizi isə dövlət mülkiyyətli müəssisələrin payına düşür.
Qeydiyyatda olan statistik vahidlərin 59,2 faizi Bakı şəhərində yerləşmişdir.
Hesabat dövründə yeni yaradılmış statistik vahidlərin 83,2 faizi Bakı şəhərində, 5,3 faizi Abşeron, 3,7 faizi Aran, 2,6 faizi Gəncə-Qazax, 1,6 faizi Lənkəran, 1,1 faizi Şəki-Zaqatala və qalanları isə digər iqtisadi rayonlarda qeydiyyata alınmışlar.
Bu dövrdə Bakı şəhəri üzrə 105, Abşeron iqtisadi rayonu üzrə 10, Aran iqtisadi rayonu üzrə 6, Naxçıvan Muxtar Respublikası və Gəncə-Qazax iqtisadi rayonu üzrə (hər birində) 5, Şəki-Zaqatala, Quba-Xaçmaz və Kəlbəcər-Laçın iqtisadi rayonlarının hər biri üzrə 1 statistik vahid ləğv edilmişdir.
93%-Ə YAXINI MİKRO MÜƏSSİSƏLƏRDİR
2020-ci il aprelin 1-i vəziyyətinə ölkə üzrə kommersiya təşkilatlarının ümumi sayının (149 min 51) 92,7 faizini (122 min 430) mikro müəssisələr təşkil etmiş və onların əsas hissəsi ticarət (32,0%), digər sahələrdə xidmətlərin göstərilməsi (16,4%), tikinti (10,2%) və kənd təsərrüfatı (8,2%) sahələrində yaradılmışdır.
2020-ci il aprelin 1-i vəziyyətinə ölkə üzrə kommersiya təşkilatlarının ümumi sayının 4,9 faizini kiçik müəssisələr təşkil etmiş və onların əsas hissəsi ticarət (27,4%), tikinti (12,5%), emal sənayesi (10,1%) və peşə, elmi və texniki fəaliyyət (6,9%) sahələrində yaradılmışdır.
2020-ci il aprelin 1-i vəziyyətinə ölkə üzrə kommersiya təşkilatlarının ümumi sayının 1,9 faizini orta müəssisələr təşkil etmiş və onların əsas hissəsi ticarət (23,4%), tikinti (17,4%), emal sənayesi (10,9%) və nəqliyyat və anbar təsərrüfatı (6,1%) sahələrində yaradılmışdır.
2020-ci il aprelin 1-i vəziyyətinə ölkə üzrə kommersiya təşkilatlarının ümumi sayının 0,5 faizini iri müəssisələr təşkil etmiş və onların əsas hissəsi ticarət (17,0%), emal sənayesi (15,6%), tikinti (13,3%) və nəqliyyat və anbar təsərrüfatı (7,6%) sahələrində yaradılmışdır.
2020-ci il aprelin 1-i vəziyyətinə ölkədə mövcud olan mikro, kiçik, orta və iri sahibkarlıq subyektlərinin (fərdi sahibkarlar istisna olmaqla) sayı Azərbaycan Respublikası Nazirlər Kabinetinin 2018-ci il 21 dekabr tarixli 556 nömrəli Qərarı ilə təsdiq edilmiş “Mikro, kiçik, orta və iri sahibkarlıq subyektlərinin bölgüsü meyarları”na uyğun olaraq işçilərin orta siyahı sayı və illik gəliri meyarı əsasında müəyyən edilmişdir.
Marja
