10 mart tarixində keçiriləcək təkrar pul hərracında beş səhmdar cəmiyyətinin səhmləri satışa çıxarılacaq.

• Hərraca 3,6 milyona çıxarılan obyekt - 6,6 MİLYON MANATA SATILDI

FED.az biznes və maliyyə xəbərləri portalı xəbər verir ki, hərraca çıxarılan səhmlər müxtəlif regionlarda fəaliyyət göstərən şirkətlərin nizamnamə kapitalının bir hissəsini əhatə edir və satışlar əsasən buraxılmış səhmlərin təxminən 30 faizi səviyyəsində həyata keçirilib.

Məlumata görə, “Salyan Broyler” Açıq Səhmdar Cəmiyyətinin (26.12.2000-ci il tarixli, №376) nizamnamə kapitalı 1 milyon 120 min 118 manat təşkil edir. Cəmiyyət tərəfindən buraxılmış ümumi səhmlərin sayı 560 min 59 ədəd olub, hər bir səhmin nominal dəyəri 2 manatdır. Hərraca 168 min 225 ədəd səhm çıxarılıb ki, bu da buraxılmış səhmlərin 30,04 faizinə bərabərdir. Satışa çıxarılan səhmlərin ümumi nominal dəyəri 336 min 450 manat təşkil edib. İlkin hərracda satış qiyməti 168 min 225 manat müəyyənləşdirilib, beh məbləği isə 16 min 822 manat 50 qəpik olub.

“Yevlax Yük Avtonəqliyyat” Açıq Səhmdar Cəmiyyətinin (20.04.1998-ci il tarixli, №649) nizamnamə kapitalı 316 min 887 manat 20 qəpikdir. Buraxılmış səhmlərin sayı 158 min 443 ədəd, hər birinin nominal dəyəri isə 2 manatdır. Hərraca 47 min 543 ədəd səhm çıxarılıb ki, bu da ümumi səhmlərin 30,01 faizini təşkil edir. Satışa çıxarılan səhmlərin nominal dəyəri 95 min 86 manat olub. İlkin hərracda satış qiyməti 47 min 543 manat, beh məbləği isə 4 min 754 manat 30 qəpik müəyyən edilib.

“Yevlax Kəndnəqliyyat” Açıq Səhmdar Cəmiyyəti (13.10.1997-ci il tarixli, №833) üzrə nizamnamə kapitalı 225 min 900 manat 60 qəpikdir. Cəmiyyətin buraxdığı səhmlərin ümumi sayı 112 min 950 ədəd olub və nominal dəyər hər səhm üçün 2 manatdır. Hərraca çıxarılan səhmlərin sayı 33 min 906 ədəd təşkil edib ki, bu da buraxılmış səhmlərin 30,02 faizinə uyğundur. Satışa çıxarılan səhmlərin nominal dəyəri 67 min 812 manat, ilkin hərrac qiyməti isə 33 min 906 manat olub. Beh məbləği 3 min 390 manat 60 qəpik təşkil edib.

“Şıxlar Broyler” Açıq Səhmdar Cəmiyyətinin (06.04.1998-ci il tarixli, №544) nizamnamə kapitalı 279 min 609 manat 60 qəpikdir. Buraxılmış səhmlərin sayı 139 min 804 ədəd, nominal dəyəri isə 2 manatdır. Hərraca 42 min 90 ədəd səhm çıxarılıb ki, bu da ümumi səhmlərin 30,11 faizini təşkil edir. Satışa çıxarılan səhmlərin nominal dəyəri 84 min 180 manat, ilkin hərrac qiyməti 42 min 90 manat, beh məbləği isə 4 min 209 manat olub.

Hərrac siyahısında yer alan “Ucar İnşaat Xidmət” Açıq Səhmdar Cəmiyyətinin (28.11.2007-ci il tarixli, №361) nizamnamə kapitalı 25 min 676 manatdır. Buraxılmış səhmlərin sayı 12 min 838 ədəd, hər bir səhmin nominal dəyəri 2 manatdır. Hərraca 5 min 784 ədəd səhm çıxarılıb ki, bu da buraxılmış səhmlərin 45,05 faizinə bərabərdir. Satışa çıxarılan səhmlərin nominal dəyəri 11 min 568 manat olub. İlkin hərracda satış qiyməti 5 min 784 manat, beh məbləği isə 578 manat 40 qəpik təşkil edib.

 Pul hərracı 2026-cı il mart ayının 10-da saat 10:00-da  Əmlak Xidmətləri Məkanında (Ünvan: Bakı şəhəri, Nizami rayonu, Xəlil Rza Ulutürk küçəsi, 20) keçiriləcəkdir.
 

​​​​​​