Sentyabrda FED-in faiz endirimi gözləntilərini gücləndirə biləcək ABŞ inflyasiya məlumatlarının açıqlanması ilə bazarlarda gərgin bir həftə olacaq. Qazanc mövsümü meqa-korporasiyalardan və Avropa banklarından gələn bəzi hesabatlarla sürət qazanır. Bu arada, Avrozonadan gələn PMI məlumatları Avropa Mərkəzi Bankının faiz dərəcəsini endirməsinə gedən yeni yolu ön plana çıxaracaq.
PCE inflyasiya məlumatları
Cümə günü açıqlanacaq ABŞ inflyasiya məlumatları Federal Ehtiyatlar Sisteminin sentyabr ayında faiz dərəcələrini aşağı salacağına dair bazar gözləntilərinə yön verə bilər.
İqtisadçılar iyun ayı Şəxsi İstehlak Xərcləri (PCE) Qiymət İndeksinin ardıcıl ikinci ayda 0.1% artacağını ehtimal edirlər ki, bu da cari rübdə illik baza inflyasiyanın bu ilin ən yavaş tempinə və FED-in 2% hədəfindən aşağı düşməsinə səbəb ola bilər.
İstehlak Qiymətləri İndeksi son dörd ildə ilk dəfə olaraq iyun ayında azalıb. Proqnozlaşdırılandan daha zəif hesabat səhmlərdə rotasiyaya səbəb oldu və FED-in sentyabr ayında faiz dərəcələrini azaltmağa hazırlaşdığına dair bazar gözləntilərini gücləndirdi.
CPI-dən bir neçə gün sonra FED sədri Cerom Pavel, ikinci rüb inflyasiya məlumatlarının qiymət artım sürətinin davamlı olaraq FED-in hədəfinə qayıtdığına dair "bir qədər inamı artırdığını" söylədi.
Gəlir hesabatı mövsümü tam sürətlə davam edir
Gəlir hesabatı mövsümünün yüksək sürət qazanması fonunda “buğalar”, güclü şirkət hesabatlarının bu il ABŞ-dakı səhm bazarında yaşanan rallinin yavaşlamasına səbəb olan texnalogiya şirkətlərinin səhmlərindəki enişi dayandıracağına ümid edirlər.
“S&P 500” indeksinə daxil olan texnologiya sektoru bir həftə ərzində təxminən 6% geriləyib. Çünki, artan faiz dərəcələri və Trampın ikinci müddətə prezident seçiləcəyinə dair gözləntilər investisiyanı 2024-cü ildə zəifləyən sektorlara çəkib.
İkinci rübdə qazanc hesabatı mövsümü texnoloji sektorun yenidən diqqət mərkəzində olmasına kömək edə bilər. 2023-cü ilin əvvəlindən bazarları yüksəldən "Möhtəşəm Yeddilik" səhm qrupundan olan “Tesla” (TSLA) və “Google”-un ana şirkəti “Alphabet” (GOOGL) çərşənbə axşamı günü gəlir hesabatlarını təqdim edəcəklər.
“IBM” (IBM), “Ford” (IS:FROTO) (F) və “General Motors” (GM), önümüzdəki həftə balans hesabatını açıqlayacaq digər böyük şirkətlər arasında yer alırlar. Şirkət hesabatları istehlakçıların gücünü və iqtisadi inkişafa dair mövcud vəziyyətin necə olduğuna dair ipucları verə bilər.
Avropa banklarının mənfəət hesabatları
Mənfəət və səhm qiymətlərinin yüksəlməsi ilə Avropanın bank sənayesi bu həftə ikinci rübün mənfəət mövsümü başlayarkən bir sınaq qarşısındadır.
Görünüşün açarı faiz artımı səbəbindən xalis faiz gəlirlərinin artmasıdır. Lakin, “ECB” faiz dərəcəsinin daha da azaldılmasına işarə etdiyi və İngiltərə Mərkəzi Bankı pul-kredit siyasətini yumşaltmağa hazırlaşdığı üçün partiya erkən sona çata bilər.
İnvestorlar həmçinin siyasi qeyri-müəyyənlik artdıqca kreditorların necə çıxış etdiyini görmək istəyəcəklər. Çünki son seçkilər zamanı Fransanın bank səhmləri kəskin ucuzlaşıb.
Çərşənbə günü “Deutsche Bank” (DB) (Almaniya), “Lloyds Banking Group” (LLOY) (Böyük Britaniya), “BNP Paribas” (EPA:BNPP) (BNPQY) (Fransa), “Banco Santander” (SAN) (İspaniya) və “UniCredit” (CRIG) ( İtaliya) kimi əsas kreditorlardan qazanc hesabatları gələcək.
Analitiklər bildirirlər ki, artıq hesabat vermiş ABŞ firmalarından güclü investisiya bankçılığı gəlirləri “Deutsche Bank” və “UBS” (UBS) kimi əsas investisiya bankçılığı silahları olan kreditorları dəstəkləməlidir, lakin, faiz gəlirləri rəqəmlərində hər hansı bir məyusluq bazarın mənfi reaksiyalarına səbəb ola bilər.
EUR
Avrozonada iqtisadi artım durğun olaraq qalsa da, turizm tərəfindən dəstəklənən dominant xidmət sektorunun gücü qiymət təzyiqlərini narahatedici dərəcədə yüksək səviyyədə saxlamışdır.
Çətin vəziyyət qarşısında qalan Avropa Mərkəzi Bankının ötən həftənin cümə axşamı günü faiz dərəcələrini sabit saxlaması və sonrakı həmlələrin iqtisadi göstəricilərə bağlı olduğunu vurğulaması gələcəyə yönəlik qeyri-müəyyənliyi artırdığı üçün çərşənbə günü açıqlanacaq PMI göstəriciləri yaxından izləniləcək.
İyun ayında son beş ildə ilk dəfə borclanma xərclərini azaldan ECB, inflyasiyanın orta səviyyədə qaldığını düşünür.
Bazarlar sentyabr ayında faiz endiriminə gediləcəyinə qiymətləndirərək hələlik Avrozona səhmlərini, Avropa dövlət istiqrazlarını və avronu dəstəkləyirlər. Ancaq, eyni zamanda, ECB-nin mövqeyini dəyişdirə biləcək PMİ nəticələrinin açıqlanmasını yüksək qiymətləndirirlər.
Ötən həftəyə 1.0880 səviyyəsində start verən EURUSD məzənnəsi bahalaşaraq 1.0950 həddini test etsə də, burada müqavimətlə üzləşərək bir qədər ucuzlaşdı və həftəlik şamını 1.0880 həddində bağladı.
“Buğallar” qiyməti 1.09$ həddinin üzərinə qaytara və bu həddin üzərində saxlaya bilsələr, artım tendensiyası davam edə bilər.
GBP
Cari həftənin çərşənbə günü İngitərədə dərc olunacaq sənaye və xidmət sektorlarında, həmçinin, Kompozit Biznes Aktivliyi İndeksi göstəriciləri GBP/USD məzənnəsində tendensiyanın gedişində həll edici rol oynaya bilər.
Ötən həftəyə 1.2960 səviyyəsində başlayan GBP/USD məzənnəsi dolların ucuzlaşması fonunda 1.3040 həddinə kimi bahalaşsa da, burada müqavimətlə qarşılaşaraq ucuzlaşdı və həftəlik şamını 1.2910 səviyyəsində tamamladı.
Analitiklər ehtimal edirlər ki, “buğalar” qiyməti 1.30$ səviyyəsinin üzərinə yüksəldə və burada qoruyub saxlaya bilsələr, artım tendensiyası daha kəskin xarakter ala bilər.
OİLUK
İnvestorların Qazzədə mümkün atəşkəsin imzalanmasını gözlənməsi və güclü dolların təsiri ilə neft qiymətləri ötən həftənin cümə günü iyunun ortasından bəri bəri ən aşağı həddə düşüb.
Qəzzədəki hərbi münaqişə və geosiyasi gərginliklərin qlobal neft hasilatını təhdid etməsi səbəbilə investorların neft ticarəti zamanı risk faizini qiymətləndirməsinə səbəb olur.
Atəşkəs razılaşması əldə olunarsa, İran dəstəkli Husilərin Qırmızı dənizdəki ticarət gəmilərinə hücumları azalda bilər. Çünki, Husi hərbi qruplaşması hücumları Həması dəstəkləmək üçün etdiyini açıqlamışdı.
Dollar indeksi proqnozlaşdırılandan güclü açıqlanan iqtisadi göstəricilərin ardından yüksılırık neft qiymətlərinin ucuzlaşmasına səbəb oldu.
Həftəyə 85$ səviyyəsində başlayan “Brent” nefti (OİLUK) 86$-a kimi bahalaşsa da, burada müqavimətlə qarşılaşaraq ucuzlaşdı və həftəni 82.90$-da başa vurdu. Buğalar” qiyməti 85$-ın üzərinə qaytara və burada saxlaya bilsələr, artım tendensiyası davam edə bilər.
XAU/USD
Ötən həftəyə 2414$ səviyyəsindən başlayan və “güvənli liman missiyası”-nı davam etdirən qızıl 2484$-a kimi bahalaşdı. Lakin, dolların güclənməsi fonunda qızıl zəiflədi.
Həftəlik şamını 2400$ həddində tamamlayan “sarı metal”-da “Buğalar” qiyməti 2400$ həddinin üzərində saxlaya bilsələr, bahalaşma davam edə bilər.
Məlumat İnvest-AZ İnvestisiya Şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
